Get real time updates directly on you device, subscribe now.
କେନ୍ଦ୍ରାପଡ଼ା( ସଂଘର୍ଷ ମିଡିଆ ) : ମାର୍ଶାଘାଇ ଥାନା ପଳାସପୁର ଗାଁ ନିକଟ ଲୁଣା ନଦୀରୁ ଦୁଇ ଅଜଣା ଯୁବକ ଯୁବତୀଙ୍କର ମୃତଦେହ ଉଦ୍ଧାର କଲା ଅଗ୍ନିଶମ ବିଭାଗ । ଲୁଣା ନଦୀରେ ଭାସିଭାସି ଯାଉଥିଲା ଏହି ଯୁଗଳ ମୃତଦେହ । ଏମାନଙ୍କ ପରିଚୟ ମିଳିପାରି ନାହିଁ। ଏମାନେ କେଉଁ ପ୍ରେମୀ ଯୁଗଳ ଆତ୍ମହତ୍ୟା କରିଥିବା ସନ୍ଦେହ ଦୃଢ ହେବାରେ ଲାଗିଛି। ମାର୍ଶାଘାଇ ଥାନା ଅଧିକାରୀ ଶ୍ରୀ କାଳନ୍ଦୀ ବେହେରା ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ। ଅଚିହ୍ନା ଦୁହେଁ ଜିନ୍ସ ପ୍ୟାଟ ଓ ଟି ସାର୍ଟ ପିନ୍ଧି ଥିବା ବେଳେ ଦୁହିଁଙ୍କ ବୟସ ୨୫ ରୁ ୩୦ ବର୍ଷ ବୟସ ଅନୁମାନ କରାଯାଉଛି। ଉକ୍ତ ମୃତ ଦେହ ପଚିସଢି ଦୁର୍ଗନ୍ଧ ହେଉଥିବା ବେଳେ ମାର୍ଶାଘାଇ ଥାନା ଅଧିକାରୀ ଏହାକୁ ଖାତିର ନକରି ମୃତ ଦେହ ନିକଟରେ ତଳେ ବସି ତଦନ୍ତ କରିବା ସାରା ଅଞ୍ଚଳ ବାସୀ ଙ୍କୁ ଚକିତ କରିଛି। କେନ୍ଦ୍ରାପଡ଼ାରୁ ଭିକାରୀ ଚରଣ ରାଉତଙ୍କ ସହ ସୁନୀଲ ମହାପାତ୍ରଙ୍କ ରିପୋର୍ଟ ।
