Get real time updates directly on you device, subscribe now.
-କଟକ ( ସଂଘର୍ଷ ମିଡିଆ ) : କଟକର ଏକ ହୋଟେଲ୍ କନଫ୍ରେନ୍ସ୍ ହଲ୍ ରେ ଆଜି ଏହି ଫିଲ୍ମର ଶୁଭ ମହୁରତ ହୋଇଛି। ଏହି ଫିଲ୍ମର ଲିଡ୍ ନାୟକ ଭାବେ ଅଛନ୍ତି ଡ୍ୟାନ୍ସର ବାଦଶାହା ଲୁବୁନ୍। ଆଉ ତାଙ୍କ ସହ ମରାଠୀ ହିରୋଇନ୍ ନବାଗତା ସୋନା। ଫିଲ୍ମ ଟି ସମ୍ପୂର୍ଣ୍ଣ ପ୍ରେମକାହାଣୀ ଉପରେ ଆଧାରିତ। ଦୁହିଁଙ୍କ ମଧ୍ୟରେ ପ୍ରେମ ଆରମ୍ଭରୁ ଶେଷ ହେଉଥିବା ବେଳେ କେହି କାହାରିକୁ ଭଲ ପାଉଥିବା କହିପାରୁନାହାନ୍ତି। ଏହିଭଳି ଅନେକ କିଛି ଟୁଇଷ୍ଟ୍ ଦେଖିବାକୁ ମିଳିବ ଏହି ଫିଲ୍ମ ରେ। ବର୍ତ୍ତମାନ ଏହାର ସୁଟିଂ ଗତକାଲି ଠାରୁ ଆରମ୍ଭ ହେଉଥିବା ବେଳେ ନୁଆବର୍ଷରେ ଦର୍ଶକ ଉଭୟଙ୍କ ଚରିତ୍ର ଖୁବ୍ ପସନ୍ଦ କରିବେ ବୋଲି ଆଶା ରଖିଛନ୍ତି ନାୟକ ଓ ନାୟିକା। ତିତଲି ପ୍ରଡକ୍ସନର ସହଭାଗିତା ଏଲ୍.ଟି ପ୍ରଡକ୍ସନ ନିବେଦିତ ଏହି ଫିଲ୍ମରେ ଅର୍ପିତା କର,ସରୋଜ ଦାସ,ଅଶୋକ ଦାସ,ମିଲି ମହାନ୍ତି, ପୁଷ୍ପା ପଣ୍ଡା,ପ୍ରଭାତୀ ସାହୁ,କମେଡିଆନ୍ ଗୁଡ୍ଡୁ,କାଳିଆ ପ୍ରମୁଖ ଙ୍କ ଅଭିନୟ ଦେଖିବାକୁ ପାଇବେ ଦର୍ଶକ। ସଙ୍ଗୀତ ନିର୍ଦ୍ଦେଶକ ନିର୍ମଳ ନାୟକ ଏବଂ ବାପୁ ଗୋସ୍ଵାମୀ ଦେଇଥିବା ନିର୍ଦ୍ଦେଶନାରେ କଣ୍ଠଦାନ କରିଛନ୍ତି ବୈଦନାଥ, ହ୍ୟୁମାନ ସାଗର,ଦୀପ୍ତିରେଖା ଓ ଅର୍ପିତା ଚୌଧୁରୀ। ସେହିପରି କାହାଣୀ ସାଙ୍ଗକୁ ପ୍ରଯୋଜନା ଭାର ସମ୍ଭାଳିଛନ୍ତି ପ୍ରୀତିଶ ମହାନ୍ତି। ଆଉ ଏହି ଫିଲ୍ମର କୋରିଓଗ୍ରାଫର୍ ତଥା ନିର୍ଦ୍ଦେଶକ ନିଜେ ଲୁବୁନ୍ ଟୁବୁନ୍ ରହିଛନ୍ତି।
