Get real time updates directly on you device, subscribe now.
ମାହାଙ୍ଗା ( ସଂଘର୍ଷ ମିଡିଆ ) : ବହୁଚର୍ଚ୍ଚିତ ମାହାଙ୍ଗା ଡବଲ ମର୍ଡର ଏବଂ ବିକାଶ ଯେନା ହତ୍ୟାକାଣ୍ଡ ମାମଲାରେ ଛନ୍ଦିହୋଇ ପଡିଥିବା ପ୍ରଫୁଲ୍ଲ ବିଶ୍ୱାଳ ଓରଫ କାବୁଆ l ଟାଙ୍ଗୀ ଥାନା ବଇଚୁଆଁ ନୂଆ ଟୋଲ ଗେଟ ପାଖରେ ଗତ କାଲି ବିଳମ୍ବିତ ରାତିରେ ସଡକ ଦୁର୍ଘଟଣାରେ ପୋଲିସ ଯେଉଁ ଶବ ଜବତ କରିଥିଲା, ସେହି ମୃତକ ଜଣକ ପ୍ରଫୁଲ୍ଲ ବିଶ୍ୱାଳ l ବିଜେପି ପ୍ରଭାରୀ କୁଳମଣି ବରାଳ ଏବଂ ତାଙ୍କ ସମ୍ପର୍କୀୟ ଦିବ୍ୟସିଂହ ବରାଳଙ୍କୁ ଗତ ଜାନୁଆରୀ ୨ ତାରିଖରେ ହତ୍ୟା କରାଯାଇଥିଲା l ଏହାର ୨ ବର୍ଷ ତଳେ ସେହି ନୁର୍ତ୍ତାଙ୍ଗ ପଞ୍ଚାୟତରେ ବିକାଶ ଜେନାଙ୍କୁ ଅନୁରୂପ ଢଙ୍ଗରେ ହତ୍ୟା କରାଯାଇଥିଲା l ଏହି ୩ଟି ଘଟଣାରେ ପ୍ରଫୁଲ୍ଲ ଅଭିଯୁକ୍ତ ଥିଲେ l ପୂର୍ବରୁ ବିକାଶ ଯେନା ହତ୍ୟା କାଣ୍ଡରେ ପ୍ରଫୁଲ୍ଲଙ୍କ ବାପା ନିରଞ୍ଜନ ବିଶ୍ୱାଳ ଗିରଫ ହୋଇ ଜେଲରେ ଅଛନ୍ତି l ପ୍ରଫୁଲର ଭାଇ ପ୍ରମୋଦ ଡବଲ ମର୍ଡର ମାମଲାରେ ଆତ୍ମସମର୍ପଣ କରିସାରିଛନ୍ତି l ଏହା ଭିତରେ ସେହି ଡବଲ ମର୍ଡର ମାମଲାରେ ୯ ଜଣଙ୍କୁ ପୋଲିସ ଗିରଫ କରିସାରିଛି l ସରପଞ୍ଚଙ୍କ ସ୍ୱାମୀ ପ୍ରଫୁଲ୍ଲ ପାଖରେ ପୋଲିସ ପହଂଚି ପାରୁନଥିଲା l ବିଜେପି ଏହି ଘଟଣାକୁ ନେଇ ଆନ୍ଦୋଳନ ଜୋରଦାର କରିଥିଲା l ଶେଷରେ ମୋଷ୍ଟ ୱାଣ୍ଟେଡ ପ୍ରଫୁଲ୍ଲ ବିଶ୍ୱାଳର ସଡକ ଦୁର୍ଘଟଣାରେ ମୃତ୍ୟୁ ଘଟିବା ପରେ,ପ୍ରଫୁଲ୍ଲ କେଉଁଠି ଥିଲା ଓ କୁଆଡେ ଯାଉଥିଲା, ପୋଲିସ ଛାନଭିନ ଆରଂଭ କରିଛି l ତେବେ ମାହାଙ୍ଗା ଡବଲ ମର୍ଡର ଘଟଣାର ଅନ୍ୟ ଅଭିଯୁକ୍ତ କେବେ ଧରାପଡୁଛନ୍ତି ସେକଥା ଦେଖିବାକୁ ବାକି ରହିଲା l
