Get real time updates directly on you device, subscribe now.
ଢେଙ୍କାନାଳ ( ସଂଘର୍ଷ ମିଡିଆ ) : ଆଜି ଢେଙ୍କାନାଳ ସାଂସଦ ଶ୍ରୀ ମହେଶ ସାହୁ ହିନ୍ଦୋଳଗସ୍ତରେ ଆସି କନ୍ତାମିଲା ଉଚ୍ଚ ବିଦ୍ୟାଳୟ ପରିସରରେ ଥିବା ମହାପୁରୁଷଙ୍କ ପ୍ରତିମୂର୍ତ୍ତିରେ ପ୍ରଥମେ ପୁଷ୍ପ ମାଲ୍ୟ ଅର୍ପଣ କରି ସ୍ଥାନୀୟ ଯବାନଙ୍କୁ ଗୋଷ୍ଠୀ ତଥା ଓଡିଶା ମୋ ପରିବାର ଆନୁକୂଲ୍ୟରେ ଆୟୋଜିତ ଜୀବନବିନ୍ଦୁ କାର୍ଯ୍ୟକ୍ରମର ଉଦଘାଟନ କରିଥିଲେ । ପରେ ମାନ୍ୟବର ସାଂସଦ କନ୍ତିମିଲିଠାରେ ଆୟୋଜିତ ସ୍ବେଚ୍ଛାକୃତ ରକ୍ତ ଦାନ ଶିବିରରେ ଯୋଗ ଦେଇଥିଲେ । ଏହି ଗସ୍ତ ସମୟରେ ସାଂସଦ ଶ୍ରୀ ମହେଶ ସାହୁ ବିଭିନ୍ନ ସ୍ଥାନରେ ଲୋକଙ୍କୁ ଭେଟି ସେମାନଙ୍କ ଅଭାବ ଅସୁବିଧା ବିଷୟରେ ଅବଗତ ହେଲେ । କନ୍ତାମିଲାର ବେଲଗୁଣ୍ଠା ଗ୍ରାମକୁ ବ୍ରିଜ ନ ଥିବାରୁ ମାନ୍ୟବର ସାଂସଦ ସେ ଗ୍ରାମକୁ ମଟର ସାଇକେଲରେ ଯାଇ ତୁରନ୍ତ ସେଠାରେ ଏକ ବ୍ରିଜ ନିର୍ମାଣ ନିମନ୍ତେ ବ୍ଲକ ଅଧ୍ୟକ୍ଷ ଶ୍ରୀ ପ୍ରିୟ ରଂଜନ ମାହୁନ୍ତଙ୍କୁ ନିର୍ଦ୍ଦେଶ ଦେଇଛନ୍ତି । ମାନ୍ୟବର ସାଂସଦଙ୍କ ଏପରି କାର୍ଯ୍ୟକୁ ସାଧାରଣରେ ଉଚ୍ଚ ପ୍ରଶଂସା କରାଯାଉଛି । ଇତ୍ୟବସରରେ ମାନ୍ୟବର ସାଂସଦଙ୍କ ସହ ହିନ୍ଦୋଳ ବ୍ଲକ ଅଧ୍ୟକ୍ଷ ଶ୍ରୀ ପ୍ରିୟ ରଂଜନ ମାହୁନ୍ତ, ରାଜ୍ୟ ଯୁବ ବିଜେଡି ସଂପାଦକ ଶ୍ରୀ ଦେବୀ ପ୍ରସାଦ ପଟ୍ଟନାୟକ, ଅନୁଗୁଳ ଯୁବ ବିଜେଡି ସଭାପତି ଶ୍ରୀ ଦିନେଶ ପ୍ରଧାନ, ଢେଙ୍କାନାଳ ଜିଲ୍ଲା ଯୁବ ବିଜେଡି ସଂପାଦକ ପ୍ରଶାନ୍ତ ଦାସ, ସମାଜସେବୀ ରସାନନ୍ଦ ବେହେରା, ଅଜୟ ଭଞ୍ଜଙ୍କ ସହ ଶତାଧିକ ସ୍ଥାନୀୟ ନେତା ଓ ଜନତା ଉପସ୍ଥିତ ଥିଲେ ।ଢେଙ୍କାନାଳ ହିନ୍ଦୋଳ ରୁ ସୁଜିତ କୁମାର ବେହେରାଙ୍କ ରିପୋର୍ଟ ସଙ୍ଘର୍ଷ ନିଉଜ୍।
