Get real time updates directly on you device, subscribe now.
ଭଞ୍ଜନଗର ( ସଂଘର୍ଷ ମିଡିଆ ) : ଭଞ୍ଜନଗର ଥାନା ଅଧୀନ ବେଲଗୁଣ୍ଠା ଫାଣ୍ଡି ଅନ୍ତର୍ଗତ ବାଣତୁମ୍ବ ଗ୍ରାମ ମୁଖ୍ୟ ସଡକରେ , ଆଜି ଏକ ବାଇକ୍ ସହ ଟ୍ରକ୍ ଧକ୍କା ହେବା ଫଳରେ ବାଇକ୍ ଚାଳକ ଜଣକ ଗୁରୁତର । ଆହତ ଜଣକ ହେଉଛନ୍ତି ଜଗନ୍ନାଥ ପ୍ରସାଦ ଥାନା ଅନ୍ତର୍ଗତ ତାମନାଡ ଗ୍ରାମର ମାଧବ ନାୟକ । ସୂଚନା ଅନୁଯାୟୀ ମାଧବ କୌଣସି କାମରେ ତନରଦା ଆସି ଫେରୁଥିବା ସମୟରେ ବିପରୀତ ଦିଗରୁ ଆସୁଥିବା ଏକ ଟ୍ରକ ତାଙ୍କୁ ଧକ୍କା ଦେଇଥିଲା । ଖବର ପାଇ ଘଟଣା ସ୍ଥଳରେ ବେଲଗୁଣ୍ଠା ଫାଣ୍ଡି ଅଧିକାରୀ ପ୍ରକାଶ କୁମାର ସାହୁ ପହଞ୍ଚି ପ୍ରଥମେ ଗୁରୁତର ମାଧବଙ୍କ ନେଇ ଭଞ୍ଜନଗର ମେଡିକାଲ କୁ ପଠାଇଥିଲେ । ପରେ ବ୍ରହ୍ମପୁର ବଡ଼ ମେଡ଼ିକାଲ କୁ ସ୍ଥାନତର କରାଯାଇଥିଲା ।
