Get real time updates directly on you device, subscribe now.
ଗଜପତି (ସଂଘର୍ଷ ମିଡିଆ ) : ମଧ୍ୟପ୍ରଦେଶର ଇନ୍ଦୋର ଜାତୀୟ ଷ୍ଟାଡିୟମ ଠାରେ ଅନୁଷ୍ଠିତ ହୋଇଥିବା ୭ମ ଏସବିକେଏଫ ଗେମ୍ସ 2022ରେ ଭାଗ ନେଇଥିବା କ୍ରୀଡ଼ାବିତ ତଥା ଗଜପତି ଜିଲ୍ଲା ଅବକାରୀ ବିଭାଗର କାର୍ଯ୍ୟରତ ଏସ ଆଇ କିଶୋର ଚନ୍ଦ୍ର ରଥ ଦୁଇଟି ବିଭାଗରେ କୃତିତ୍ବ ହାସଲ କରିଥିବାର ଜଣା ପଡ଼ିଛି। ସେ ମୋଟ 3 ଗୋଟି ବିଭାଗର ପ୍ରତିଯୋଗିତାରେ ଭାଗ ନେଇ ଦୁଇ ଗୋଟି ରୋପ୍ୟ ଏବଂ 3 ଗୋଟି କାଂସ୍ୟ ପଦକ ହାସଲ କରିଛନ୍ତି। ସୂଚନାଯୋଗ୍ୟ ଯେ ଏହି ଜାତୀୟ ସ୍ତର କ୍ରୀଡ଼ା ପ୍ରତିଯୋଗିତାରେ ସମଗ୍ର ଭାରତ ବର୍ଷର 50 ରୁ 70 ବର୍ଷ ବୟସ୍କର କ୍ରୀଡାବିତ ମାନେ ଭାଗ ନେଇଥିଲେ। ଓଡ଼ିଶା ତଥା ଗଜପତି ଜିଲ୍ଲାର କିଶୋର ଚନ୍ଦ୍ର ରଥ ମଧ୍ୟ ଭାଗ ନେଇ ପ୍ରଶଂସିତ ହୋଇ ଛନ୍ତି।ସେ 100 ମିଟର ଦୌଡ଼ ପ୍ରତିଯୋଗିତା ଏବଂ ଟ୍ରିପୁଲ ଜମ୍ପ ପ୍ରତିଯୋଗିତାରେ ଦ୍ୱିତୀୟ ସ୍ଥାନ ହାସଲ କରି ରୋପ୍ୟ ପଦକ ପାଇଥିବା ବେଳେ ଲଙ୍ଗ ଜମ୍ପ ରେ ତୃତୀୟ ସ୍ଥାନ ଦଖଲ କରି କାଂସ୍ୟ ପଦକ ପାଇ ରାଜ୍ୟ ତଥା ଜିଲ୍ଲା ପାଇଁଗୌରବ ଆଣି ପାରିଛନ୍ତି। ଏଥି ପୂର୍ବରୁ କିଶୋର ଚନ୍ଦ୍ର ରଥ ବିଭିନ୍ନ ଜାତୀୟ ସ୍ତରରେ ହେଉଥିବା କ୍ରୀଡ଼ାରେ ପଦକ ହାତେଇ ବିଭିନ୍ନ ବର୍ଗର ପଦକ ହାସଲ କରିଛନ୍ତି। ଏହି ପଦକ ହାସଲ ଖବର ପ୍ରଚାର ପରେ ଜିଲ୍ଲାର ବିଭିନ୍ନ ମହଲରେ ଶୁଭେଚ୍ଛାର ସୁଅ ଛୁଟି ବାରେ ଲାଗିଛି। ଗଜପତିରୁ ବିବେକାନନ୍ଦ ବେହେରାଙ୍କ ରିପୋର୍ଟ ।
