ପିପିଲି ଉପନିର୍ବାଚନ ନେଇ ଆଜି ନାମାଙ୍କନ ପତ୍ର ଦାଖଲର ଶେଷ ଦିବସ : ମୋଟ ୧୫ ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କଲେ

ପୁରୀ ( ସଂଘର୍ଷ ମିଡିଆ ) : ପିପିଲି ଉପନିର୍ବାଚନ ନେଇ ଆଜି ନାମାଙ୍କନ ପତ୍ର ଦାଖଲର ଶେଷ ଦିବସ ରହିଥିଲା। ଆଜି ଶେଷ ଦିବସରେ ମୋଟ 12 ଜଣ ପ୍ରାର୍ଥୀ ନିଜର ନାମାଙ୍କନ ପତ୍ର ଦାଖଲ କରିଛନ୍ତି। ତେବେ ପିପିଲି ଉପ ନିର୍ବାଚନ ପାଇଁ ମୋଟ 15 ଜଣ ପ୍ରାର୍ଥୀ ନିଜର ନାମାଙ୍କନ ଦାଖଲ କରିଛନ୍ତି । ମୋଟ 29 ସେଟ ନାମାଙ୍କନ ପତ୍ର ଦାଖଲ ହୋଇଛି। ବୁଧବାର ଦିନ ଏହା ଯାଂଜ ହେବ। ସେହିପରି ଅସନ୍ତା 3 ଓ 4 ତାରିଖ ଦୁଇ ଦିନ ନାମାଙ୍କନ ପତ୍ର ପ୍ରତ୍ୟହାର ଦିବସ ରହିଛି। ଅସନ୍ତା 17 ତାରିଖରେ ପିପିଲି ରେ ଉପ ନିର୍ବାଚନ ହେବ। ସେହିପରି ଅସନ୍ତା 1 ଓ 2 ତାରିଖରେ ପ୍ରଥମ ପର୍ଯ୍ୟାୟରେ ପ୍ରିଜାଇଡିଂ ଅଫିସର ଙ୍କୁ ତାଲିମ ପ୍ରଦାନ କରାଯିବ। ସେହିପରି ଦିତୀୟ ପର୍ଯ୍ୟାୟରେ 10 ଓ 11 ତାରିଖ ରେ ପ୍ରିଜାଇଡିଂ ଅଫିସର ଓ ପୋଲିଂ ଅଧିକାରୀ ଙ୍କୁ ଟ୍ରେନିଂ ଦିଆଯିବ। ଅସନ୍ତା 1 ଓ 2 ତାରିଖ ରେ ସମସ୍ତ ପ୍ରିଜାଇଡିଂ ଅଫିସର ଓ ପୋଲିଂ ଅଧିକାରୀ ଙ୍କୁ କୋଭିଡ ଟୀକା ପ୍ରଦାନ କରାଯିବ ବୋଲି ପୁରୀ ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ ସୂଚନା ଦେଇଛନ୍ତି ।