Get real time updates directly on you device, subscribe now.
ଗଜପତି (ସଂଘର୍ଷ ମିଡିଆ) : – ଗଜପତି ଜିଲ୍ଲାର ପାରଳାଖେମୁଣ୍ଡି ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ଇଂ ରୂପେଶ ପାଣିଗ୍ରାହୀ ଗୁମ୍ମା ବ୍ଲକର ତହଜଙ୍ଗ ଗ୍ରାମରୁ ଏକ ବିରାଟ ମଟରସାଇକେଲ୍ ରାଲିରେ କେସିପୁର, ମୁନିସିଂ, ଗୁମ୍ମା, ଆଶ୍ରୟଗଡ, ବଡକଳାକୋଟ, ସେରଙ୍ଗ ଅଞ୍ଚଳରେ ମାରାଥନ ପ୍ରଚାର କରିଛନ୍ତି ।ଏହି ପ୍ରଚାରର ମଙ୍ଗ ଇଂ. ରୂପେଶ ପାଣିଗ୍ରାହୀ ଧରିଥିବା ବେଳେ ପ୍ରମୁଖ ଆକର୍ଷଣ ସାଜିଛନ୍ତି ସିନେ ଅଭିନେତା ତଥା ବିଜେଡିର ରାଜ୍ୟସଭା ସାଂସଦ ମୁନ୍ନା ଖାଁ । ବିଜେଡି ରାଜ୍ୟସଭା ସାଂସଦ ଗାଁ ଗାଁକୁ ଯାଇ ଭୋଟ୍ ଭିକ୍ଷା କରିବା ସହ ମାନ୍ୟବର ମୁଖ୍ୟମନ୍ତ୍ରୀଙ୍କ ବିଭିନ୍ନ ଜନହିତକର ଯୋଜନା ବିଷୟରେ ସୂଚନା ଦେଉଛନ୍ତି ।ଏପଟେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପରେ କଂଗ୍ରେସର ଦୁର୍ଗ ଭାଙ୍ଗି ବିଜୁ ଜନତାଦଳ ଯେଉଁ ଗତିରେ ଭୋଟ୍ ହାର ବୃଦ୍ଧି କରିଛି । ତାହାର ଉଦାହରଣ ଆୟୋଜିତ ହୋଇଥିବା ରାଲି ଓ ପ୍ରଚାରରେ ଦେଖିବାକୁ ମିଳିଛି । ପ୍ରଚାର ବେଳେ ବହୁ ସଂଖ୍ୟାରେ ବିଜେଡି କର୍ମୀ ଓ ଜିଲ୍ଲାସ୍ତରୀୟ ନେତା ଯୋଗଦେଇଥିଲେ ।
