Get real time updates directly on you device, subscribe now.
ଢେଙ୍କାନାଳ ( ସଂଘର୍ଷ ମିଡିଆ ) : ଢେଙ୍କାନାଳ:ବଦାଳୁ ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି, ସୂଚନା ଅନୁଯାୟୀ ବଦାଳୁ ଗ୍ରାମର ରବି ରାଉତ ସଂନ୍ଧ୍ୟାରେ ଦୈନନ୍ଦିନ କାର୍ଯ୍ୟରେ ଶୌଚ ହେବାକୁ ଗାଁ ରାସ୍ତାର ଆରପଟକୁ ଯାଇଥିଲେ । ଦୁର୍ଭାଗ୍ୟବଶତଃ ରାଧାଘର ପାଖରେ ଏକ ହାତୀ ହାବୁଡ଼ରେ ପଡିଥିଲେ, ନିଜ ପ୍ରାଣ ରକ୍ଷା ପାଇଁ ଦୌଡି ଯିବା ସମୟରେ ହାତୀ ଅତର୍କିତ ଆକ୍ରମଣ କରିଥିଲା ଯାହା ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଆଉ ଛଅ ଦିନ ପରେ ପୁଅର ବାହାଘର ହୋଇଥାନ୍ତା ଘରେ ସମସ୍ତେ ଆନନ୍ଦ ଉଲ୍ଲାସରେ ମସଗୁଲ ଥିବା ସମୟରେ ଏହି ଦୁର୍ଘଟଣା ପରିବାର ଖୁସି ପୋଛି ଦେଇଛି,ସମସ୍ତେ ଭାଙ୍ଗି ପଢିଛନ୍ତି। ଜଙ୍ଗଲ ବିଭାଗର ଉଦାସୀନ କାର୍ଯ୍ୟ ତଥା ହାତୀଙ୍କ ଉପଦ୍ରବ୍ୟ ଏବେ ଅସହ୍ୟ ହୋଇପଡିଲାଣି। ଅଞ୍ଚଳରେ ଜନ ଅସନ୍ତୋଷ ଦେଖା ଦେଲାଣି। ପ୍ରଶାସନ ଯତ୍ନବାନ ହେବାକୁ ଜନସାଧାରଣଙ୍କ ତରଫରୁ ଦାବି ହେଉଛି।
