Get real time updates directly on you device, subscribe now.
ବୌଦ୍ଧ ( ସଂଘର୍ଷ ମିଡ଼ିଆ ): ବୌଦ୍ଧ ରାଜବାଟି ସ୍ଥିତ ମାହେଶ୍ୱରୀ ସଂସ୍କୃତି ଭବନ ସଭାଗୃହରେ କିଶୋର ମହାନ୍ତି ସୃତି କମିଟି ଆବାହକ ପ୍ରଭାତ ଚନ୍ଦ୍ର ପ୍ରଧାନଙ୍କ ଆବାହକତ୍ତ୍ୱରେ ଏକ ବୈଠକ ଅନୁଷ୍ଠିତ ହୋଇଥିଲା l ସର୍ବପ୍ରଥମେ କିଶୋର ମହାନ୍ତିଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ ଓ ଧୂପ ପ୍ରଦାନ କରାଯାଇଥିଲା l ମୁଖ୍ୟଅତିଥି ଭାବେ ମହିମା ବିକାଶ ପରିଷଦ, ବଳାସିଙ୍ଗାର ସାଧୁ ବାବା କୃଷ୍ଣଚନ୍ଦ୍ର ଦାସ ଯୋଗଦେଇ କିଶୋର ମହାନ୍ତିଙ୍କ କୃତିତ୍ୱ ଓ କର୍ତ୍ତବ୍ୟ ପରାୟଣ ଉପରେ ଆଲୋକପାତ କରିଥିଲେ l ସଂମ୍ମାନିତ ଅତିଥି ଭାବେ ଶରତ ପାତ୍ର, ବାଳାମକୁନ୍ଦ ମେହେର, ସୁବୋଧ ପ୍ରଧାନ, ସ୍ବାଧୀନ ପ୍ରଧାନ ଯୋଗଦେଇ ସୃତି ଚାରଣ କରିଥିଲେ l ଜିଲ୍ଲା ଯୁବ ଡ଼ୁମାଳ ବିକାଶ ପରିଷଦ ର ସଭାପତି ଶମ୍ଭୁ ଗିରି ସଭାପତିତ୍ତ୍ଵ କରିଥିବାବେଳେ, ସମ୍ପାଦକ କୃତ୍ତିବାସ ପଲିଆ ସଂଯୋଜନା କରିଥିଲେ l ଆବାହକ ପ୍ରଭାତ ଚନ୍ଦ୍ର ପ୍ରଧାନ ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବେ ଏନ ଏ ସି ଅଧକ୍ଷ ମୃତ୍ୟୁଞ୍ଜୟ ମିଶ୍ର ଯୋଗଦାନ କରି ଉତ୍ସାହିତ କରିଥିଲେ l ଏଥିରେ ବୌଦ୍ଧ ରକ୍ତ ଭଣ୍ଡାର କର୍ମଚାରୀ ଚତୃଭୁଜ ବାରିକ, ଦିଲ୍ଲୀପ ଭୋଇ, ସୁରଜ ଶେଖର ସହଯୋଗ କରିଥିଲା ବେଳେ l କାର୍ଯ୍ୟକ୍ରମକୁ ସାକାର ନିମନ୍ତେ ହରିହର ପ୍ରଧାନ, ପ୍ରମୋଦ ପ୍ରଧାନ, ଦାମୋଦର ପ୍ରଧାନ ପ୍ରମୁଖ ସହଯୋଗ କରିଥିଲେ lରିପୋର୍ଟ, ଉଗ୍ରସେନ କର୍ମୀ, ବୌଦ୍ଧ ।
