ସେଞ୍ଚୁରିଅନ୍ ୟୁନିଭରସିଟି ଅଫ୍ ଟେକ୍ନୋଲୋଜି ଆଣ୍ଡ ମ୍ୟାନେଜମେଣ୍ଟରେ ଆନ୍ତର୍ଜାତୀୟ ଭୌଗୋଳିକ ସୂଚନା ପ୍ରଣାଳୀ ଦିବସ ଉଦଯାପିତ
Get real time updates directly on you device, subscribe now.
ଭୁବନେଶ୍ୱର(ସଂଘର୍ଷ ମିଡିଆ) : ସିଭିଲ୍ ଇଞ୍ଜିନିୟରିଂ ବିଭାଗ ଏବଂ ଡାଟା ସାଇନ୍ସ ଏବଂ ମେସିନ୍ ଲର୍ନିଂ କେନ୍ଦ୍ର ଦ୍ବାରା ସ୍କୁଲ୍ ଅଫ୍ ଇଞ୍ଜିନିୟରିଂ ଆଣ୍ଡ ଟେକ୍ନୋଲୋଜିର ସହଭାଗୀତାରେ ୧୮ ନଭେମ୍ବର ୨୦୨୪ରେ ସେଣ୍ଟୁରିଅନ୍ ୟୁନିଭରସିଟି ଅଫ୍ ଟେକ୍ନୋଲୋଜି ଆଣ୍ଡ ମ୍ୟାନେଜମେଣ୍ଟ, ପାରାଲାଖେମୁଣ୍ଡିଠାରେ ହାଇବ୍ରିଡ୍ ଓରାଲ୍ ଏବଂ ପୋଷ୍ଟର ଉପସ୍ଥାପନା ସହିତ “ଚତୁର୍ଥ ଆନ୍ତର୍ଜାତୀୟ ଭୌଗୋଳିକ ସୂଚନା ପ୍ରଣାଳୀ (ଜି. ଆଇ. ଏସ୍) ଦିବସ – ୨୦୨୪” ଆୟୋଜନ କରାଯାଇଥିଲା । “ଭୌଗୋଳିକ ପ୍ରଯୁକ୍ତିବିଦ୍ୟା ସହିତ ଏକ ସ୍ଥାୟୀ ଭବିଷ୍ୟତର ଶସକ୍ତିକରଣ” ବିଷୟବସ୍ତୁ ଉପରେ ଆଧାରିତ ଏହି କାର୍ଯ୍ୟକ୍ରମକୁ “ଇସ୍ରି ଇଣ୍ଡିଆ ପ୍ରାଇଭେଟ ଲିମିଟେଡ, ପାନ୍ ଏସିଆନ୍ ଆଇ. ପି. ସାର୍ଭିସେସ ଏବଂ ଗ୍ରାମ ତରଙ୍ଗ ଇନକ୍ଲୁସିଭ ଡେଭେଲପ୍ମେନ୍ଟ ସାର୍ଭିସେସ ସହାୟତା ପ୍ରଦାନ କରିଥିଲେ ।ରାଜ୍ୟର ଦୁଇଟି ବିଶ୍ୱବିଦ୍ୟାଳୟ ଏବଂ ଦେଶର ୬୪ଟି ଅନୁଷ୍ଠାନ ମଧ୍ୟରେ ଅନ୍ୟତମ ସେଞ୍ଚୁରିଅନ୍ ୟୁନିଭରସିଟି ଅଫ୍ ଟେକ୍ନୋଲୋଜି ଆଣ୍ଡ ମ୍ୟାନେଜମେଣ୍ଟ, ଓଡିଶା ଅନ୍ତର୍ଜାତୀୟ ଜି. ଆଇ. ଏସ୍ ଦିବସ ପାଳନ କରିଥିଲା । ଏହି କାର୍ଯ୍ୟକ୍ରମରେ ଜି. ଆଇ. ଏସ୍ ଏବଂ ଏହାର ପ୍ରୟୋଗ, ଜଳ ଉତ୍ସ ପରିଚାଳନା ପାଇଁ କୃତ୍ରିମ ବୁଦ୍ଧି, ସହରୀ ଯୋଜନା, ପରିବେଶ ପରିଚାଳନା, କୃଷି ଏବଂ ସହଯୋଗୀ ବିଜ୍ଞାନ, ବିପର୍ଯ୍ୟୟ ପରିଚାଳନା ଏବଂ ପ୍ରତିଛବି ପ୍ରକ୍ରିୟାକରଣ ଏବଂ ମେସିନ୍ ଲର୍ନିଂ ପ୍ରୟୋଗ ଉପରେ ଧ୍ୟାନ ଦିଆଯାଇଥିଲା | ବୈଷୟିକ ଉପସ୍ଥାପନା (କାଗଜପତ୍ର, ପୋଷ୍ଟର)ରେ ବିଷୟଗୁଡ଼ିକ ଉପସ୍ଥାପିତ ହୋଇଥିଲା |ଏହି କାର୍ଯ୍ୟକ୍ରମରେ ତିନି ଶହ ପଚାଶରୁ ଅଧିକ ବୈଜ୍ଞାନିକ, ବୁଦ୍ଧିଜୀବୀ, ଛାତ୍ରଛାତ୍ରୀ, ଅନୁସନ୍ଧାନକାରୀ, ଅଧ୍ୟାପକ ଏବଂ ଶିଳ୍ପବିତ୍ ମାନେ ଅଂଶଗ୍ରହଣ କରିଥିଲେ। ଜାତୀୟ ତଥା ଆନ୍ତର୍ଜାତୀୟ ସ୍ତରରୁ ମୋଟ ୧୭୫ ଟି ଅନୁସନ୍ଧାନମୂଳକ ସଂକ୍ଷିପ୍ତ ବିବରଣୀ ଦାଖଲ ଗ୍ରହଣ କରାଯାଇଥିଲା, ଯେଉଁଥିରୁ ୧୧୯ଟି ହାଇବ୍ରିଡ୍ ମୌଖିକ / ପୋଷ୍ଟର ଉପସ୍ଥାପନା ପାଇଁ ଚୟନ କରାଯାଇଥିଲା |ପ୍ରଫେସର ସୁଶାନ୍ତ କୁମାର ନାୟକଙ୍କ ସ୍ୱାଗତ ସମ୍ବର୍ଦ୍ଧନା ସହିତ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା ଏବଂ ସମ୍ପୂର୍ଣ୍ଣ ଘଟଣା ବିଷୟରେ ଡିନ୍, ଏସ୍. ଓ. ଇ. ଟି. ଏବଂ କାର୍ଯ୍ୟକ୍ରମର ସଂଯୋଜକ ଡକ୍ଟର ପ୍ରଫୁଲ୍ଲ କୁମାର ପଣ୍ଡା ଆଲୋକପାତ କରିଥିଲେ। ପରିବେଶ ଏବଂ ଜଳବାୟୁର ନିର୍ଦ୍ଦେଶକ, ଏସ୍. ଓ. ଏ. ଡ଼ି. ୟୁ., ଭୁବନେଶ୍ୱର, ଏବଂ , ଭାରତୀୟ ପାଣିପାଗ ବିଭାଗ, ଓଡ଼ିଶାର ପୂର୍ବତନ ନିର୍ଦ୍ଦେଶକ ତଥା ଉଦ୍ଘାଟନୀ ଉତ୍ସବର ମୁଖ୍ୟ ଅତିଥି ଡକ୍ଟର ଶରତ୍ ଚନ୍ଦ୍ର ସାହୁ, ଏବଂ ଯେ. ଏନ୍. ଟି. ୟୁ. ର ପାଠ୍ୟକ୍ରମ ଉପଦେଷ୍ଟା ତଥା ସମ୍ମାନିତ ଅତିଥି ଡକ୍ଟର ଏମ୍. ଏଲ୍. ନରସିଂହମ୍ ଏହି ସମାବେଶରେ ଭୌଗୋଳିକ ପ୍ରୟୋଗର ଆବଶ୍ୟକତା ଏବଂ ଏହାର ଉପଯୋଗ ଉପରେ ନିଜର ଆଭିମୁଖ୍ୟ ରଖିଥିଲେ। ସେଞ୍ଚୁରିଅନ୍ ବିଶ୍ୱବିଦ୍ୟାଳୟର ରେଜିଷ୍ଟ୍ରାର୍ ଡକ୍ଟର ଅନୀତା ପାତ୍ର ବିଶ୍ୱବିଦ୍ୟାଳୟର ଉନ୍ନତ କାର୍ଯ୍ୟ ତଥା ବିଶେଷ ଭାବରେ ଆଦିବାସୀ ମାନଙ୍କ ବିକାଶପାଇଁ ଭୌଗୋଳିକ ପ୍ରଯୁକ୍ତିର ବ୍ୟବହାର ଉପରେ ଗୁରୁତ୍ୱାରୋପ କରିଥିଲେ। ସେଞ୍ଚୁରିଅନ୍ ବିଶ୍ୱବିଦ୍ୟାଳୟ, ପାରଲାଖେମୁଣ୍ଡିର ପ୍ରଶାସନିକ ନିର୍ଦ୍ଦେଶକ, ଡକ୍ଟର ଦୁର୍ଗାପ୍ରସାଦ ପାଢୀ ସହରୀ ଯୋଜନାରେ ମେଟାଭର୍ସର ବ୍ୟବହାର ଏବଂ ସିଭିଲ୍ ଇଞ୍ଜିନିୟରିଂ ବିଭାଗର ମୁଖ୍ୟ, ପ୍ରଫେସର ବିକ୍ରମ୍ ନାରାୟଣ “ଭୌଗୋଳିକ ପ୍ରଯୁକ୍ତିବିଦ୍ୟା ସହିତ ଏକ ସ୍ଥାୟୀ ଭବିଷ୍ୟତର ଶସକ୍ତିକରଣ” ବିଷୟବସ୍ତୁର ସମୀକ୍ଷା କରିବା ସହିତ ଏହି କାର୍ଯକ୍ରମ ଦ୍ବାରା ପ୍ରାପ୍ତ ଉପଲବ୍ଧି ଗୁଡିକ ବିଷୟରେ ବର୍ଣ୍ଣନା କରିଥିଲେ ।ପୁନଃ ମୁଖ୍ୟ ବକ୍ତବ୍ୟ ଭାବରେ ଡକ୍ଟର ଶରତ୍ ଚନ୍ଦ୍ର ସାହୁ “ଜି. ଆଇ. ଏସ୍. ର ଭୂମିକା ଏବଂ ବିପର୍ଯ୍ୟୟ ବିପଦ ହ୍ରାସ ଏବଂ ପରିଚାଳନା ପାଇଁ ରିମୋଟ ସେନ୍ସିଂ” ଉପରେ ଏକ ଆଲୋଚନା କରିଥିଲେ। ତାଙ୍କ ବିଚାର ବିମର୍ଶ ପରେ ଡକ୍ଟର ଏମ.ଏଲ୍ ନରସିଂହମ୍ “ସ୍ମାର୍ଟ ସିଟି ପ୍ରୋଜେକ୍ଟରେ ଜି. ଆଇ. ଏସ୍. ର ସମ୍ପ୍ରସାରଣ” ଉପରେ ଏକ ମୁଖ୍ୟ ବକ୍ତବ୍ୟ ପ୍ରଦାନ କରିଥିଲେ ଏବଂ ଡକ୍ଟର ଜେ. ମୁରଲିଧରନ୍ ଜିଓସ୍ପ୍ୟାଟିଆଲ୍ ଟେକ୍ନୋଲୋଜି ସହିତ ଏକ ସ୍ଥାୟୀ ଭବିଷ୍ୟତକୁ ସଶକ୍ତ କରିବା ଉପରେ ମନ୍ତବ୍ୟ ରଖିଥିଲେ ।ଇସ୍ରି, ୟୁ. ଏସ୍. ଏ. ର ଶିକ୍ଷା ପରିଚାଳକ ଡକ୍ଟର ଜୋସେଫ ଜେ. କେର୍ସକୀ, ଛାତ୍ର ଏବଂ ଅଧ୍ୟାପିକାମାନଙ୍କ ପାଇଁ ସମ୍ଭାବନା ଏବଂ ବୃତ୍ତି ସୁଯୋଗ ଉପରେ ଦର୍ଶାଇଥିଲେ । ମାନ୍ୟଗଣ୍ୟ ବ୍ୟକ୍ତିମାନେ ସ୍ଥାନୀୟ ସମ୍ପ୍ରଦାୟରେ ଜୀବନଧାରଣର ଉନ୍ନତି ପାଇଁ ସମାଜରେ ଜି. ଆଇ. ଏସ୍.-କେନ୍ଦ୍ରିକ ସଂସ୍କୃତି ସୃଷ୍ଟି କରିବାର aaଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଜି. ଆଇ. ଏସ୍. ସମାଜ ତଥା ନାଗରିକ ସମାଜ ପାଇଁ ଉଲ୍ଲେଖନୀୟ ଅବଦାନକାରୀଙ୍କୁ ସମ୍ମାନିତ କରାଯାଇଥିଲା ଏବଂ ବିଭିନ୍ନ ବିଷୟବସ୍ତୁ ଉପରେ ସର୍ବୋତ୍ତମ ଉପସ୍ଥାପକମାନଙ୍କୁ ପୁରସ୍କୃତ କରାଯାଇଥିଲା ।କାର୍ଯକ୍ରମର ସହ-ସଂଯୋଜକ ଡ-ମଦନ ମୋହନ ରାଉତ ଏବଂ ଶ୍ରୀ ଦ୍ୱିତି ସୁନ୍ଦର ରାଉତ ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ।ସେଞ୍ଚୁରିଅନ୍ ବିଶ୍ୱବିଦ୍ୟାଳୟ, ଓଡ଼ିଶାର ସଭାପତି, ପ୍ରଫେସର (ଡଃ.) ମୁକ୍ତିକାନ୍ତ ମିଶ୍ର, ଉପସଭାପତି, ପ୍ରଫେସର ଡି. ଏନ୍. ରାଓ ଏବଂ କୁଳପତି, ପ୍ରଫେସର ଡଃ. ସୁପ୍ରିୟା ପଟ୍ଟନାୟକ ଆୟୋଜକମାନଙ୍କୁ ପ୍ରଶଂସା କରିଥିଲେ। ଏହି ଉଲ୍ଲେଖନୀୟ କାର୍ଯ୍ୟକ୍ରମ ପାଇଁ ସମଗ୍ର ଭାରତର ଅଂଶଗ୍ରହଣକାରୀ, ପ୍ରତିନିଧି, ବୈଜ୍ଞାନିକ, ପ୍ରତିଷ୍ଠିତ ଶିକ୍ଷାବିତ୍ ଏବଂ ବୁଦ୍ଧିଜୀବୀମାନେ ମଧ୍ୟ ପ୍ରଶଂସା କରିଥିଲେ ।
