Get real time updates directly on you device, subscribe now.
ସୁବର୍ଣ୍ଣପୁର(ସଂଘର୍ଷ ମିଡିଆ ) : ଜିଲ୍ଲା ମୁଖ୍ୟ ଚିକିତ୍ସାଳୟ ସୁବର୍ଣ୍ଣପୁର ତରଫରୁ ଜିଲ୍ଲା ଚିକିତ୍ସାଳୟ ସଭାକକ୍ଷ ଠାରେ ସୁବର୍ଣ୍ଣପୁର ମ୍ୟୁନିସିପାଲିଟି ଅନ୍ତର୍ଗତ ସମସ୍ତ ଅଙ୍ଗନବାଡି କର୍ମୀ, ଜିଲ୍ଲା ମୁଖ୍ୟ ଚିକିତ୍ସାଳୟ ର କର୍ମଚାରୀ,ସ୍ଥାନୀୟ ଗର୍ଭବତୀ ଓ ପ୍ରସୂତି ମା ମାନକୁ ନେଇ ଜାତୀୟ ନିରାପଦ ମାତ୍ରୁତ୍ଵ ଦିବସ ପାଳିତ ହୋଇଯାଇଛି l ଏହି ଅବସରରେ ଭାରପ୍ରାପ୍ତ ମୁଖ୍ୟ ଜିଲ୍ଲା ଚିକିତ୍ସା ଓ ଜନ ସ୍ଵାସ୍ଥ୍ୟ ଅଧିକାରୀ ତଥା ଜିଲ୍ଳା ମୁଖ୍ୟ ଚିକିତ୍ସାଲୟ ଅଧିକ୍ଷକ ଡା. ପ୍ରଦୀପ କୁମାର ଗୁରୁ ଙ୍କ ସଭାପତିତ୍ଵରେ ଅନୁଷ୍ଠିତ ଉକ୍ତ ସଭାରେ ଡା. ମଞ୍ଜୁରାଣୀ ସିଂ, ଏ ଡି ପି ଏଚ ଓ (ଏଫ ଡବ୍ଲୁ/ଭି.ବି.ଡ଼ି ), ଡା.ମାନସ୍ ରଞ୍ଜନ ଦଣ୍ଡପାଟ୍, ବରିଷ୍ଠ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ , ଶ୍ରୀ ବିଶ୍ୱମ୍ବର ବେହେରା, ଡି ପି ଏମ, ଶ୍ରୀ ସରୋଜ କୁମାର୍ ପଣ୍ଡା, ଡି ଏ ଏମ ପ୍ରମୁଖ ମଞ୍ଚାସୀନ ଥିଲେ। ସଭାରେ ଅତିଥିମାନେ ୨0୨୨ ବର୍ଷର ଜାତୀୟ ନିରାପଦ ମାତ୍ରୁତ୍ଵ ଦିବସ ଉପରେ ଆଲୋକପାତ କରିଥିବା ବେଳେ ମୁଖ୍ୟ ଜିଲ୍ଲା ଚିକିତ୍ସା ଓ ଜନ ସ୍ଵାସ୍ଥ୍ୟ ଅଧିକାରୀ ତଥା ଜିଲ୍ଳା ମୁଖ୍ୟ ଚିକିତ୍ସାଳୟ ଅଧିକ୍ଷକ ଡା. ପ୍ରଦୀପ କୁମାର ଗୁରୁ କହିଥିଲେ ଯେ ଗୋଟିଏ ସୁସ୍ଥ ଦେଶ ପାଇଁ ଏକ ସୁସ୍ଥ ଶିଶୁ ଦରକାର ଓ ସୁସ୍ଥ ଶିଶୁ ପାଇବାକୁ ହେଲେ ମା ସୁସ୍ଥ ହେବା ନିହାତି ଆବଶ୍ଯକ ଓ ଏଥିପାଇ ସମାଜରେ ବ୍ୟାପକ ସଚେତନତାର ଆବଶ୍ଯକତା ଥିବା ଆଲୋକପାତ କରିଥିଲେ l ଏହି ଉପଲକ୍ଷେ ସଚେତନତା ସଭା ସାଙ୍ଗକୁ ଏକ ପୋଷ୍ଟର ଅଭିଯାନ ଓ ଦସ୍ତଖତ ଅଭିଯାନ ଅନୁଷ୍ଠିତ କରାଯିବା ସହିତ ସଦର ମହକୁମାର ଜନ ଗହଳି ସ୍ଥାନରେ ହୋର୍ଡିଙ୍ଗ ଲଗାଯାଇ ସଚେତନତାର ପ୍ରୟାସ କରା ଯାଇଛି। ଏହି ସଚେତନତା ସଭା ପରିପ୍ରେକ୍ଷୀରେ ଉପସ୍ଥିତ ସମସ୍ତ ଅଙ୍ଗନବାଡି କର୍ମୀ,ଗର୍ଭବତୀ ଓ ପ୍ରସୂତି ମା ମାନକୁ ନେଇ ବିଭାଗ ତରଫରୁ ଏକ କୁଇଜ ପ୍ରତିଯୋଗିତା କରାଯାଇ ସଫଳ ପ୍ରତିଯୋଗୀଙ୍କୁ ଉପହାର ପ୍ରଦାନ କରାଯାଇଥିଲା l ଏହି ପରୀପ୍ରକ୍ଷୀ ରେ ଅନୁଷ୍ଠିତ କୁଇଜ କର୍ୟକ୍ରମକୁ ତରଣୀସେନ ପଧାନ୍ ଏ ଏମ ସି ପି ତଥା ଜି କେ ଏସ, ଗିତଞ୍ଜଲି ମେହେର (ଏ ଏମ ଏନ ସି ଡି ) ପରିଚାଳନା କରିଥିବାବେଲେ ଶ୍ରୀ ନାରାୟଣ ରଥ ସହଯୋଗ କରିଥିଲେ। ଅନୁଷ୍ଠିତ ସଭାକାର୍ଯ୍ୟକୁ ଜିଲ୍ଳା ସ୍ୱାସ୍ଥ୍ୟ ବିଭାଗର ଅଧିକାରୀ ଅକ୍ରୁର କୁମାର ହୋତା ପରିଚାଳନା କରିଥିବାବେଲେ ଶ୍ରୀ ପ୍ରମୋଦ ସାହୁ ଧନ୍ୟବାଦ ଅର୍ପଣ କରିଥିଲେ।
