Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ) : – ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ପାତ୍ରୀ ଗ୍ରାମପଞ୍ଚାୟତ ଅନ୍ତର୍ଗତ ବାମନ ମୁଣ୍ଡାଗୁଡ଼ା ଗ୍ରାମରେ ସାପ କାମୁଡାରେ ନାବାଳକର ମୃତ୍ୟୁ ଘଟିଛି । ମୃତ ନାବାଳକ ଡମୁ ଯାନୀ (୧୪) ବୋଲି ଜଣାପଡିଛି ।ସୂଚନା ଅନୁଯାୟୀ ବାମନମୁଣ୍ଡା ଗ୍ରାମର ଡମୁ ଯାନୀ (୧୪) ପିତା ପିତାମ୍ବର ଯାନୀ ଆଜି ସକାଳେ ମକା ଭାଙ୍ଗିବା ପାଇଁ ନିଜ ମା ସହ ଚାଷ ଜମିକୁ ଯାଇଥିଲେ। ମକା ଭାଙ୍ଗିବା ସମୟରେ ଏକ ବିଷଧର ସାପ ଡମୁକୁ କାମୁଡି ଦେଇଥିଲା। ଡମୁ ସାପ କାମୁଡିବା ଜାଣି ନପାରି ମକା ଭାଙ୍ଗିବାରେ ବ୍ୟସ୍ତ ରହିଥିଲା। କିଛି ସମୟ ପରେ ସେ ମକା ଜମିରେ ଅଚେତ ହୋଇ ପଡ଼ି ଗଲା, ପରେ ମକା ଜମିରେ କାମ କରୁଥିବା କିଛି ଲୋକେ ନାବାଳକକୁ ଉଦ୍ଧାର କରି ଘରକୁ ଆଣିଥିଲେ।ଗ୍ରାମର କିଛି ଯୁବକ ଡମୁକୁ ସାପ କାମୁଡିବା ଜାଣିବା ପରେ ଏକ ବାଇକ ଯୋଗେ ତାଙ୍କୁ ପାପଡାହାଣ୍ଡି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଚିକିତ୍ସାଧୀନ ଅବସ୍ଥାରେ ଡମୁଙ୍କ ମୃତ୍ୟୁ ଘଟିଥିଲା। ଡମୁଙ୍କ ମୃତ୍ୟୁକୁ ନେଇ ପରିବାର ଲୋକ ଭାଙ୍ଗି ପଡିଛନ୍ତି। ଶବ ବ୍ୟବଛେଦ ହେଲାପରେ ତାଙ୍କ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି। ଏନେଇ ଡାବୁଗାଁ ଥାନାରେ ଅପମ୍ରୁତ୍ୟୁ ମାମଲା ନମ୍ବର ୨୬/ତା୩୧/୧୦/୨୦୨୨ ରେ ରୁଜୁ ହୋଇଥିବା ଥାନା ଅଧିକାରୀ ପ୍ରମୋଦ କୁମାର ନାୟକଙ୍କ ଠାରୁ ପ୍ରକାଶ। ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ୍ ସଙ୍ଘର୍ଷ୍ ନିୟୁଜ୍।
