Get real time updates directly on you device, subscribe now.
ଗଂଜାମ(ସଂଘର୍ଷ ମିଡିଆ ) :- ଗଂଜାମ ଜିଲ୍ଲା ଜଗନ୍ନାଥପ୍ରସାଦ ବ୍ଲକ ପ୍ରତାପୁର ସମ୍ବାଦ ସାହିତ୍ୟ ଘର ପକ୍ଷରୁ ଆଜି କଲ୍ୟାଣପୁର ଠାରେ ବୃକ୍ଷରୋପଣ ସହ ମାଟ୍ରିକ ରେ କୃତିତ୍ୱ ଲାଭ କରିଥିବା ଦୁଇ ଛାତ୍ରୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ଚଳିତବର୍ଷ ଅଂଚଳର ମାଟ୍ରିକ ରେ ଏ୧ ହୋଇଥିବା ଦୁଇ ଛାତ୍ରୀ ସି.ଏଚ କଲ୍ୟାଣି ପାତ୍ର ଓ ଚିନ୍ମୟୀ ବିଶ୍ୱାଳ ଙ୍କୁ ସମ୍ବର୍ଦ୍ଧିତ କରାଯାଇଥିଲା । ପନ୍ତିଖାରୀ ମହାମାୟୀ ଉଚ୍ଚ ବିଦ୍ୟାଳୟର ଛାତ୍ରୀ କଲ୍ୟାଣୀ ପାତ୍ର ଓ ବିଡ଼ିପୁର ଶେଖର ଆଞ୍ଚଳିକ ବାଳିକା ଉଚ୍ଚ ବିଦ୍ୟାଳୟର ଛାତ୍ରୀ ଚିନ୍ମୟୀ ବିଶ୍ୱାଳ ଙ୍କୁ ମାନପତ୍ର ଦେଇ ଉଛାହିତ କରିବା ସହ ବିଭିର୍ଣ୍ଣ ସ୍ଥାନରେ ସାହିତ୍ୟ ଘର ପକ୍ଷରୁ ବୃକ୍ଷ ରୋପଣ କରିବା ସହ ଅନ୍ୟମାନେ ମଧ୍ୟ ବୃକ୍ଷ ରୋପଣ କରିବା ପାଇଁ ଆଗ୍ରହ ସୃଷ୍ଟି କରାଯାଇଥିଲା । ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ବେଲଗୁଣ୍ଠା ବନପାଳ ବବୁଲ ସେଠି ଓ ସଂମାନିତ ଅତିଥି ଭାବେ ଅଂଚଳର ଯୁବ ସମାଜସେବୀ ସୁଶାନ୍ତ ପ୍ରଧାନ ଯୋଗଦେଇ ଥିଲେ । ବିଜୟ ଚନ୍ଦ୍ର ଗୌଡ଼ ସଭାର ସଭାପତିତ୍ୱ କରିଥିବା ବେଳେ ସଂଗଠନ ର ଆକୁଳଭଞ୍ଜନ ନାୟକ, ସି.ଏଚ ହରିଶ୍ଚନ୍ଦ୍ର ପାତ୍ର, ଜଗନ୍ନାଥ ପାଣିଗ୍ରାହୀ, ଶୁଭେନ୍ଦୁ କୁମାର ଗୌଡ଼, ପ୍ରମୋଦ କୁମାର ଗୌଡ଼, ଖଦାଲଚନ୍ଦ୍ର ନାୟକ, ରମେସଚନ୍ଦ୍ର ପାଢ଼ୀ, ରବୀନ୍ଦ୍ର ନାଇକଙ୍କ ସମେତ ପୀତବାସ ନାୟକ, ବିନୋଦଚନ୍ଦ୍ର ପାତ୍ର, ବିନୋଦ କୁମାର ନାୟକ ପ୍ରମୁଖ ଯୋଗ ଦେଇ କାର୍ଯ୍ୟକ୍ରମ କୁ ପରିଚାଳନା କରିଥିଲେ । ଶେଷରେ ସାହିତ୍ୟ ଘର ସଂଯୋଜକ ଧନଞ୍ଜୟ ପଟ୍ଟନାୟକ ସମସ୍ତଙ୍କୁ ଧନ୍ୟବାଦ ଜଣାଇଥିଲେ ।
