Get real time updates directly on you device, subscribe now.
ଘୁ. ଉଦୟଗିରି(ସଂଘର୍ଷ ମିଡିଆ ) :- କନ୍ଧମାଳ ଜିଲ୍ଲା ଘୁ.ଉଦୟଗିରି କାନବାଗିରି ଗ୍ରାମ ମୁଖ୍ୟ ସଡ଼କ ନିକଟରେ ପଲ୍ସର ବାଇକ୍ ଓ ସ୍କୁଟି ମଧ୍ୟରେ ଧକା ହୋଇଛି। ସୁମିତ କୁମାର ନାୟକ, ବୟସ ୨୪ ସ୍କୁଟି ଚଲଉଥିବା ବେଳେ ଦିବାକର ପ୍ରଧାନ, ବୟସ ୩୮, ପଛପଟେ ବସିଥିଲେ। ଅନୁପ କୁମାର ନାୟକ, ବୟସ – ୩୨, ପଲ୍ସର ବାଇକ୍ ଧରି ମାର୍କେଟ ଆସୁଥିବା ବେଳେ ଦୁର୍ଭାଗ୍ୟ ବଶତଃ ଉଭୟଙ୍କ ଗାଡ଼ି ଛନ୍ଦି ହେବା ଫଳରେ ଭାରସାମ୍ୟ ହରାଇବା ପରେ ଦୁର୍ଘଟଣା ଘଟିଥିଲା। ଘଟଣା ସ୍ଥଳରେ ସ୍କୁଟି ଚାଳକ ସୁମିତ କୁମାର ନାୟକ ମୃତ୍ୟୁ ବରଣ କରିଥିବା ବେଳେ ମୃତକ ଓ ଅନ୍ୟ ୨ ଜଣ ଗୁରୁତର ଆହତ ଙ୍କୁ ସ୍ଥାନୀୟ ମେଡିକାଲ କୁ ଅମୁଲାନ୍ସ ସାହାଯ୍ୟରେ ଅଣାଯାଇଥିଲା। ମେଡିକାଲ ରେ ଡାକ୍ତର ସୁମିତ କୁମାର ନାୟକ ଙ୍କୁ ମୃତ ଘୋଷଣା କରିଥିଲେ। ପ୍ରାଥମିକ ଚିକିତ୍ସା ପରେ ପଲ୍ସର ଚାଳକ ଅନୁପ କୁମାର ନାୟକ ଓ ଗୋଡ଼ ଭାଙ୍ଗିଯାଇଥିବା ଦିବାକର ପ୍ରଧାନ ଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ଥିବାରୁ ଡାକ୍ତର ତାଙ୍କୁ ବ୍ରହ୍ମପୁର ଏମ କେ ସି ଜି ମେଡିକାଲ କୁ ରେଫର୍ କରିଥିବା ବେଳେ ସ୍ଥାନୀୟ ପୋଲିସ ଅଧିକାରୀ ମେଡିକାଲ ରେ ପହଞ୍ଚି ତଦନ୍ତ କରୁଥିବା ଦେଖିବାକୁ ମିଳିଛି। ଆସନ୍ତା କାଲି ମୃତକଙ୍କ ସବ ବ୍ୟବଛେଦ କରାଯିବା ପରେ ପରିବାର ଲୋକ ଙ୍କୁ ହସ୍ତାନ୍ତର କରାଯିବ କହିଛନ୍ତି ତଦନ୍ତ ଅଧିକାରୀ।
