Get real time updates directly on you device, subscribe now.
ପୁରୀ ( ସଂଘର୍ଷ ମିଡିଆ) : – ପୁରୀ ଜିଲ୍ଲାର ୬ ଗୋଟି ବିଧାନସଭା ନିର୍ବାଚନ ମଣ୍ଡଳୀ ମଧ୍ୟରୁ ପୁରୀ, ବ୍ରହ୍ମଗିରି, ସତ୍ୟବାଦୀ ଓ ପିପିଲି ନିର୍ବାଚନ ମଣ୍ଡଳୀ ରେ ଚଳିତ ମାସ ୨୫ ତାରିଖରେ ଓ ନିମାପଡା, କାକଟପୁର ନିର୍ବାଚନ ମଣ୍ଡଳୀ ରେ ଜୁନ ୧ ତାରିଖରେ ମତଦାନ ଅନୁଷ୍ଠିତ ହେବ।ସକାଳ ୭ ଘଟିକା ରୁ ସଂଧ୍ୟା ୬ ଘଟିକା ପର୍ଯ୍ୟନ୍ତ ଭୋଟର ମାନେ ସେମାନଙ୍କ ନିର୍ଦ୍ଧାରିତ ବୁଥ ମାନଙ୍କ ରେ ମତଦାନ କରିବେ।ଏହି ନିର୍ବାଚନ କୁ ଶାନ୍ତି ଶୃଙ୍ଖଳାର ସହ ପରିଚାଳନା ପାଇଁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି।ତେଣୁ ସମସ୍ତ ରାଜନୈତିକ ଦଳ, ପ୍ରାର୍ଥୀ ଓ ସେମାନଙ୍କ ପ୍ରତିନିଧି ମାନେ ସହଯୋଗ କରିବାକୁ ଜିଲ୍ଲା ନିର୍ବାଚନ ଅଧିକାରୀ ତଥା ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ, ସାଧାରଣ ପର୍ଯ୍ଯବେକ୍ଷକ କୁନାଲ ପ୍ରକାଶ ଖେମନର,ଖର୍ଚ୍ଚ ପର୍ଯ୍ଯବେକ୍ଷକ ସୁଧାଶୁଂ ଧର ମିଶ୍ର ଓ ଏସ ପି ପିନାକ ମିଶ୍ର ଅନୁରୋଧ କରିଛନ୍ତି।ଆଜି ପୂର୍ବାହ୍ନରେ ସର୍କିଟ ହାଉସ ଠାରେ ସମସ୍ତ ରାଜନୈତିକ ଦଳର ପ୍ରତିନିଧି ମାନଙ୍କ ସହ ଏକ ବୈଠକ ଅନୁଷ୍ଠିତ ହୋଇଥିଲା।ଏଥିରେ ଅଧ୍ୟକ୍ଷତା କରି ଜିଲ୍ଲାପାଳ ଶ୍ରୀ ସ୍ୱାଇଁ ଜିଲ୍ଲାରେ ନିର୍ବାଚନ କୁ ଶୃଙ୍ଖଳିତ ଭାବେ ପରିଚାଳନା ପାଇଁ ସମସ୍ତ ବ୍ୟବସ୍ଥା ପ୍ରାର୍ଥୀ ଓ ପ୍ରତିନିଧି ଙ୍କ ଉପସ୍ଥିତି,ସହଯୋଗ ଓ ସହମତି ରେ ଗ୍ରହଣ କରାଯାଇଛି।ତେଣୁ ପ୍ରାର୍ଥୀ ଓ ପ୍ରତିନିଧି ମାନେ ନିର୍ବାଚନ ପୂର୍ବ, ନିର୍ବାଚନ ଦିନ ଓ ନିର୍ବାଚନ ପରବର୍ତ୍ତୀ ସମୟରେ ଶୃଙ୍ଖଳା ଓ ଭାଇଚାରା ବଜାୟ ରଖିବାରେ ସହଯୋଗ କରିବାକୁ ଅନୁରୋଧ କରିଥିଲେ।ପର୍ଯ୍ଯବେକ୍ଷକ ମାନେ ପ୍ରାର୍ଥୀ ଓ ପ୍ରତିନିଧି ମାନଙ୍କୁ କୌଣସି ଠାରେ ଯଦି ନିର୍ବାଚନ ସମ୍ପର୍କୀୟ ସମସ୍ୟା ବା ଅଭିଯୋଗ ରହୁଛି ତେବେ ସେମାନଙ୍କୁ ସେମାନଙ୍କ ପ୍ରଦତ୍ତ ନମ୍ବର,ଅଭିଯୋଗ ପ୍ରକୋଷ୍ଠ,ଏଫଏସଟି, ଏସଏସଟି କୁ ଅବଗତ କରାଇବା ସହ ସମ୍ପୂର୍ଣ୍ଣ ପ୍ରକ୍ରିୟାରେ ସହଯୋଗ ର ସହ କାମ କରିବାକୁ ପରାମର୍ଶ ଦେଇଥିଲେ।ଅଭିଯୋଗ ପ୍ରକୋଷ୍ଠ ନମ୍ବର ୧୯୫୦, ସାଧାରଣ ପର୍ଯ୍ୟବେକ୍ଷକ କୁନାଲ ଖେମନର ଙ୍କ ନମ୍ବର ୭୭୫୨୦୪୮୧୯୬ ଖର୍ଚ୍ଚ ପର୍ଯ୍ୟବେକ୍ଷକ ଶ୍ରୀ ମିଶ୍ର ଙ୍କ ନମ୍ବର ୮୪୮୦୮୬୯୨୦୫,ଖର୍ଚ୍ଚ ପର୍ଯ୍ୟବେକ୍ଷକ ମଦନପାଲ ସିଂ ଙ୍କ ନମ୍ବର ୮୪୮୦୮୬୯୩୫୨ ରହିଛି।ସେହିପରି ପୁରୀ ଲୋକସଭା ନିର୍ବାଚନ ପାଇଁ ନିଯୁକ୍ତ ଏଆରଓ ବା ସହକାରୀ ରିଟର୍ଣ୍ଣିଂ ଅଫିସର ପୁରୀ ସଦର ନିର୍ବାଚନ ମଣ୍ଡଳୀ ପାଇଁ ପୁରୀ ଉପଜିଲ୍ଲାପାଳ ଙ୍କୁ ୭୬୮୨୯୯୧୬୪୬, ବ୍ରହ୍ମଗିରି ନିର୍ବାଚନ ମଣ୍ଡଳୀ ପାଇଁ ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଓ କାର୍ଯ୍ୟ ନିର୍ବାହୀ ଅଧିକାରୀ ଙ୍କୁ ୯୪୩୯୭୦୫୭୯୦, ସତ୍ୟବାଦୀ ନିର୍ବାଚନ ମଣ୍ଡଳୀ ପାଇଁ ଅତିରିକ୍ତ ଜିଲ୍ଲାପାଳ ପ୍ରଶାସନ ଙ୍କୁ ୯୪୩୭୭୧୩୩୮,ପିପିଲି ନିର୍ବାଚନ ମଣ୍ଡଳୀ ପାଇଁ ଅତିରିକ୍ତ ଉପ ଜିଲ୍ଲାପାଳ ଙ୍କୁ ୭୨୦୫୦୪୬୯୦୮,ଚିଲିକା ନିର୍ବାଚନ ମଣ୍ଡଳୀ ପାଇଁ ଖୋର୍ଦ୍ଧା ଅତିରିକ୍ତ ଜିଲ୍ଲାପାଳ ରାଜସ୍ୱ ଙ୍କୁ ୯୪୩୭୪୬୧୯୪୭,ରଣପୁର ନିର୍ବାଚନ ମଣ୍ଡଳୀ ପାଇଁ ନୟାଗଡ ଅତିରିକ୍ତ ଜିଲ୍ଲାପାଳ ରାଜସ୍ୱ ଙ୍କୁ ୯୪୩୮୧୭୧୪୦୬ ଓ ନୟାଗଡ଼ ନିର୍ବାଚନ ମଣ୍ଡଳୀ ପାଇଁ ଉପଜିଲ୍ଲାପାଳ ନୟାଗଡ଼ ଙ୍କୁ ୮୨୪୯୧୨୯୩୯୩ ନମ୍ବର ରେ ଅଭିଯୋଗ କରାଯାଇ ପାରିବ।ଏସ ପି ଶ୍ରୀ ମିଶ୍ର ସୁରକ୍ଷା ପାଇଁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି। ତେବେ ପ୍ରାର୍ଥୀ, ପ୍ରତିନିଧି ଓ କର୍ମୀ ମାନେ ଶୃଙ୍ଖଳିତ ଭାବେ ନିର୍ବାଚନ ରେ ସାମିଲ ହୋଇ ଜିଲ୍ଲାର ସମ୍ମାନ ରଖିବା ପାଇଁ ଅନୁରୋଧ କରିଥିଲେ।ସମସ୍ତ ମତଦାନ କେନ୍ଦ୍ର ଓ ଗଣତି କେନ୍ଦ୍ର ପାଇଁ ଏଜେଣ୍ଟ ଦେବା, ଇଭିଏମ ଷ୍ଟ୍ରଙ୍ଗ ରୁମ ଖୋଲା ସମୟରେ ପ୍ରାର୍ଥୀ ବା ପ୍ରତିନିଧି ଉପସ୍ଥିତ ରହିବାକୁ ଅବଗତ କରାଯାଇଥିଲା।ବ୍ରହ୍ମଗିରି ନିର୍ବାଚନ ମଣ୍ଡଳୀ ପାଇଁ ଚଳିତ ମାସ ୨୩ ତାରିଖ ରେ ପୁଲିଂ ପାର୍ଟି କୁ ବୁଥ ମାନ ଙ୍କୁ ପ୍ରେରଣ କରାଯିବ।ପୁରୀ, ସତ୍ୟବାଦୀ ଓ ପିପିଲି ନିର୍ବାଚନ ମଣ୍ଡଳୀ ପାଇଁ ୨୪ ତାରିଖରେ ପୁଲିଂ ପାର୍ଟିକୁ ବୁଥ ମାନ ପ୍ରେରଣ କରାଯିବ।ଭୋଟ କେନ୍ଦ୍ର ମଧ୍ୟକୁ କେବଳ ଭୋଟର ଓ ଇସିଆଇ ଅଧିକୃତ ଅଧିକାରୀ ମାନେ ଯାଇ ପାରିବେ। ପ୍ରାର୍ଥୀ, ପ୍ରତିନିଧି ବା ଅନ୍ୟ କେହି ମତଦାନ କେନ୍ଦ୍ରର ୧୦୦ ମିଟର ମଧ୍ୟରେ ଭୋଟର ମାନଙ୍କୁ ଭୋଟ ପାଇଁ ପ୍ରଚାର ବା ପ୍ରଭାବିତ କରି ପାରିବେ ନାହିଁ ବୋଲି ଜିଲ୍ଲାପାଳ ଓ ପର୍ଯ୍ଯବେକ୍ଷକ ସ୍ପଷ୍ଟ କରି ଦେଇଥିଲେ।ଏହି ବୈଠକରେ ଅତିରିକ୍ତ ଜିଲ୍ଲାପାଳ ରାଜସ୍ୱ କୈଳାସ ଚନ୍ଦ୍ର ନାୟକ,ଅତିରିକ୍ତ ଜିଲ୍ଲାପାଳ ପ୍ରଶାସନ ଶରତ ଚନ୍ଦ୍ର ବେହେରା, ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ ଓ କାର୍ଯ୍ୟ ନିର୍ବାହୀ ଅଧିକାରୀ ପ୍ରିୟରଞ୍ଜନ ପୃଷ୍ଟି, ଉପଜିଲ୍ଲାପାଳ ଗୋପୀନାଥ କୁଅଁର,ଡେପୁଟି କଲେକ୍ଟର ରାକେଶ କୁମାର ପଣ୍ଡା ଓ ବିଭିନ୍ନ ରାଜନୈତିକ ଦଳର ପ୍ରତିନିଧି ମାନେ ଯୋଗ ଦେଇଥିଲେ।
