ରାଷ୍ଟ୍ରପତି ପ୍ରାର୍ଥୀନୀ ଦ୍ରୌପଦୀ ମୁର୍ମୁଙ୍କ ବିଜୟ ପାଇଁ ବଡପଳଶା ଜାହେରା ଶାଳରେ ପୂଜାର୍ଚ୍ଚନା

9

Get real time updates directly on you device, subscribe now.

ରାଇରଙ୍ଗପୁର(ସଂଘର୍ଷ ମିଡିଆ) : – ଆସନ୍ତା ଜୁଲାଇ ୧୮ ତାରିଖ ଦିନ ରାଷ୍ଟ୍ରପତି ନିର୍ବାଚନ ହେଵ । ଆମ ଅଂଚଳର ବିଶିଷ୍ଟା ସଵୁରିପ୍ରିୟ ନାରୀନେତ୍ରୀ ଦ୍ରୌପଦୀ ମୁର୍ମୁ ଏନଡିଏର ରାଷ୍ଟ୍ରପତି ପ୍ରାର୍ଥିନୀ ପାଇଁ ମନୋନୀତ ହୋଇ ନିର୍ବାଚନ ଲଢ଼ୁଛନ୍ତି ।ତାଙ୍କରି ସୁନିଶ୍ଚିତ ବିଜୟ‌ ନେଇ ତାଙ୍କ ମୟୂରଭଞ୍ଜ ଜିଲ୍ଲାର ବହଳଦା ବ୍ଲକର ବଡପଳଶା ଗ୍ରାମର ଆଦିବାସୀ ସାନ୍ତାଳ ସମାଜ ପକ୍ଷରୁ ସ୍ଥାନୀୟ ପୂଜାସ୍ଥଳୀ ଜାହେରା ଶାଳ ଠାରେ ଆଦିବାସୀ ସାନ୍ତାଳ ସମାଜ ଲୋକ ପାରଂପାରିକ ବେଶଭୂଷା ନେଇ ସେଠାରେ ଜାହାରାୟେ,ମାରାଂବୁରୁ ଏବଂ ଲିଟେ ଗୋସାଇଁଙ୍କ ପୂଜାର୍ଚ୍ଚନା ରୀତିନୀତି ଅନୁସାରେ ନାଏକା ବାବାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିଲା ।ସେମାନଙ୍କର ବିଶ୍ବାସ ଏହି ୩ ଠାକୁରଙ୍କୁ ପୂଜାର୍ଚ୍ଚନା କଲେ ନିଶ୍ଚିତ ଭାବେ ଶୁଭଫଳ ମିଳିଥାଏ ଓ ମାନସିକ ପୂରଣ ହୋଇଥାଏ।ଏହି କାର୍ଯ୍ୟକ୍ରମରେ ମୟୂରଭଞ୍ଜ ପୂର୍ବତନ ସାଂସଦ ଲକ୍ଷ୍ମଣ ଟୁଡୁ, ବରିଷ୍ଠ ବିଜେପି ନେତା ଈଶାନ ମିଶ୍ର,ବହଳଦା ବ୍ଲକ ଉପାଧ୍ୟକ୍ଷ ପୂର୍ଣ୍ଣଚନ୍ଦ୍ର ବସା,ବଡପଳଶା ସରପଞ୍ଚ ଗୀତାରାଣୀ ହେମ୍ବ୍ରମ,ଓବିସି ମୋର୍ଚା ସଭାପତି ଘାସୀରାମ ସାହୁ,ମାଧବ ମହାପାତ୍ର,ସତ୍ୟବାନ ବସା, କୀର୍ତ୍ତି ମହାନ୍ତ, ମାଝୀବାବା ହାଦି ସୋରେନ, ନାଏକ ବାବା ହମରା ହାଁସଦା, ,ଭଦ୍ରା ସାହୁ,କୁଶାଲ ମୁର୍ମୁ,ରାମ ମୁର୍ମୁ,ଜଗନ ଟୁଡୁ,ହେମନ୍ତ ହାଁସଦା,ରାଜୁ ମାରାଣ୍ଡି, ମନୋରଞ୍ଜନ ବେହେରା,କୁନା ବାରିକ,ଦିବା ହାଁସଦା ,ମାନସିଂହ ହାଁସଦା ଏବଂ ବହୁ ଆଦିବାସୀ ,ଅଣଆଦିବାସୀ ସମେତ ବଡପଳଶା ଗ୍ରାମରେ ସାନ୍ତାଳ ସମାଜ ଲୋକେ ଏବଂଆଖପାଖ ଅଂଚଳର ସାନ୍ତାଳ ସଂପ୍ରଦାୟର ଲୋକେ ଉପସ୍ଥିତ ରହି ପୂଜାର୍ଚ୍ଚନା କରିଥିଲେ । ସମସ୍ତଙ୍କ ମୁହଁରେ ଗୋଟିଏ କଥା ଆମ ମାଟିର କନ୍ୟା ଦ୍ରୌପଦୀ ମୁର୍ମୁ ବିଜୟୀ ହୁଅନ୍ତୁ ଏବଂ ଆମ ଅଂଚଳର ବିକାଶ ହେଉ । ରାଇରଙ୍ଗପୁରରୁ ନିରୋଜ କୁମାର ସାହୁଙ୍କ ରିପୋର୍ଟ ।

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More