Get real time updates directly on you device, subscribe now.
କେନ୍ଦ୍ରାପଡା(ସଂଘର୍ଷ ମିଡିଆ) : – ରାଜନଗର ବିଧାୟକ ଧ୍ରୁବ ଚରଣ ସାହୁ ପ୍ରସ୍ ମିଟିଙ୍ଗି ଜରିଆରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଜଣାଇଲେ ଧନ୍ୟବାଦ୍।
ରାଜ୍ୟ କ୍ୟାବିନେଟରେ କେନ୍ଦ୍ରାପଡ଼ା ଜିଲ୍ଲାର ୩ଟି ବ୍ଲକକୁ 417 କୋଟି ବ୍ୟୟ ଅଟକଳରେ ଗ୍ରାମ୍ୟ ପାନୀୟ ଜଳ ପ୍ରକଳ୍ପକୁ ମଞ୍ଜୁରୀ ମିଳିଛି l ସେଥିମଧ୍ୟରୁ ରାଜନଗର-ପଟ୍ଟାମୁଣ୍ଡାଇ ଅଞ୍ଚଳ ଲାଗି ୨୮0 କୋଟି ବ୍ୟୟ ଅଟକଳର ପାନୀୟଜଳ ପ୍ରକଳ୍ପକୁ ମଞ୍ଜୁରୀ ମିଳିଛି l ଯାହା ଫଳରେ ରାଜନଗର ବ୍ଲକର ୨୯ଟି ପଞ୍ଚାୟତ ଓ ପଟ୍ଟାମୁଣ୍ଡାଇ ବ୍ଲକର ୯ଟି ପଞ୍ଚାୟତକୁ ମିଶାଇ ମୋଟ ୩୮ଟି ପଞ୍ଚାୟତର ଲୋକଙ୍କ ଘରେ ସ୍ୱଚ୍ଛ ଓ ବିଶୁଦ୍ଧ ପାନୀୟ ଜଳ ସୁବିଧାରେ ପହଞ୍ଚିପାରିବ l ଆଉ ସବୁଠୁ ବଡ କଥା ହେଲା ଏହି ପ୍ରକଳ୍ପ କାର୍ଯ୍ୟକୁ ୨ ବର୍ଷ ଭିତରେ ଶେଷ କରି କାର୍ଯ୍ୟକ୍ଷମ କରାଯିବ l ଏଥିସହ ଉପକୂଳ ଅଞ୍ଚଳର ଲୋକମାନଙ୍କ ଜୀବନଜୀବିକା ସହ ଜଡିତ ବାତ୍ୟା ପ୍ରତିରୋଧକ ଲୁଣା ଘେରିବନ୍ଧ ସୃଦୁଢ଼ୀକରଣ ପ୍ରକଳ୍ପକୁ ମଧ୍ୟ ରାଜ୍ୟସରକାର ମଞ୍ଜୁରୀ ପ୍ରଦାନ କରିଛନ୍ତି l ଯାହାକୁ ନେଇ ସ୍ଥାନୀୟଲୋକେ ଦୀର୍ଘ ଦିନ ହେବ ଦାବି ଉଠେଇଆସୁଥିଲେ l
ପ୍ରକଳ୍ପ ମଞ୍ଜୁରୀ ନେଇ ପଟ୍ଟାମୁଣ୍ଡାଇର କଲ୍ୟାଣ ମଣ୍ଡପରେ ଏକ ସାମ୍ବାଦିକ ସମ୍ମିଳନୀ ଡକାଇ ସ୍ଥାନୀୟ ବିଧାୟକ ଧ୍ରୁବ ସାହୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ତାଙ୍କ ଦୃଢ ପ୍ରତିବଦ୍ଧତା ପାଇଁ କୃତଜ୍ଞତା ଜଣେଇଥିବା ନଜର ଆସିଥିଲା l ଅନ୍ୟମାନଙ୍କ ମଧ୍ୟରେ ଆୟୋଜିତ ଏହି ସାମ୍ବାଦିକ ସମ୍ମିଳନୀରେ ପଟ୍ଟାମୁଣ୍ଡାଇ ନଗର ବିଜେଡି ସଭାପତି ଖଗେଶ୍ୱର ଲେଙ୍କା, ବ୍ଲକ ବିଜେଡି ସଭାପତି କିଶୋର ସାହୁ, ନଗରପାଳ ହେମନ୍ତ ସାହୁ, ବ୍ଲକ ଉପାଅଧ୍ୟକ୍ଷା ଜୟନ୍ତୀ ସ୍ଵାଇଁ ପ୍ରମୁଖ ଉପସ୍ଥିତ ରହିଥିବା ଦେଖିବାକୁ ମିଳିଛି।
