ରଥ ନିର୍ମାଣରେ ଲାଗିଛନ୍ତି ରଥ ନିର୍ମାଣକାରୀ ସେବକ

9

Get real time updates directly on you device, subscribe now.

ପୁରୀ(ସଂଘର୍ଷ ମିଡିଆ) : – ରଥ ନିର୍ମାଣରେ ଲାଗିଛନ୍ତି ରଥ ନିର୍ମାଣକାରି ସେବକ । ରଥ ଯାତ୍ରା ଯେତିକି ପାଖଉଛି ରଥ ନିର୍ମାଣର କାର୍ଯ୍ୟ ସେତିକି ଜୋର୍ ସୋର୍ ରେ ଆଗେଇ ଚାଲିଚି। ତିନିରଥର ଚାରିନାହାକା ଉଭୟ ପାର୍ଶ୍ୱରେ ମୂଳ କଇଁଚି ବାଡ଼ିଆ ସହ ତିନିରଥରେ ଏକ ନମ୍ବର ପୋଟଳ ବା ‘ବଡ଼ଥଳ’ ପୋଟକ ଉଠି ସେଟିଙ୍ଗ ହୋଇଛି ଏଥିସହ ତିନିରଥର ସମୁଖ ବ୍ରେକ ଚକର ସୁରକ୍ଷା ନିମନ୍ତେ ଉଭୟ ପଟରେ ଚାରିଟି ଲେଖାଁଏ ଲୁହା ପ୍ଲେଟ ଫିଟିଙ୍ଗ ହୋଇ ସାରିଛି। ତିନିରଥର ସମୁଖ ଭାଗ କୁ ଛାଡି ତିନି ପାର୍ଶ୍ୱରେ ତାଗ ବାଡ଼ିଆ କାର୍ଯ୍ୟ ଶେଷ ହୋଇଛି। ରଥର ବେଦି ନିର୍ମାଣ ପାଇଁ ପଟା ବାଡ଼ିଆ ପୂର୍ବରୁ ଛନ୍ଦା ଗୟଳ ପାର୍ଶ୍ୱ ବର୍ତ୍ତି ଖାଲି ସ୍ଥାନ ଗୁଡିକରେ ବଟନ ବାଡ଼ିଆ କାର୍ଯ୍ୟ ହୋଇଛି। ତିନିରଥର ପ୍ରଥମ ଭୂଇଁ ର ଉଭୟ ପଟରେ କଇଁଚି ପଡ଼ିଅଛି। ଦ୍ୱିତୀୟ ଭୁଇଁରେ ଅନ୍ଧାରି ତାଗ ଏବଂ ଅଗ ଭୁଇଁରେ କଇଁଛି ,ଅନ୍ଧାରି ତାଗ ବାଡ଼ିଆ ପରେ ତିନିରଥରେ ସମସ୍ତ ପୋଟଳ, ପାରା ଭାଡି ଏବଂ ଖପୁରୀ ସଂଯୋଗ ହେବ।ତିନିରଥର ୪ଟି କେଖାଏ ଦୁଆର ବେଢା଼ରୁ ଆଜି ତିନିରଥର ଦୁଇଟି ଲେଖାଁଏ ଦୁଆର ବେଢାରେ ଗାରେଡି ସହ ମଗର ମୁଖ ପଟା ସଂଯୋଗ ହୋଇ ନିର୍ମାଣ ଶେଷ ହୋଇଛି। ତିନିରଥର କଳଶ ପାଖୁଡ଼ାରେ ଆଲମିନିୟମ ଚଦର ଫିଟିଙ୍ଗ ଶେଷ ପରେ ସେଥିରେ ପଦ୍ମ ପାଖୁଡା ରଙ୍ଗ କାର୍ଯ୍ୟ ପାଇଁ ଚିତ୍ରକାରଙ୍କୁ ଦିଆଯାଇ ଅଛି। ଚିତ୍ରକାର ସେବାକାରୀ ମାନେ ତିନି ରଥର ବାହ୍ୟ ଅଂଶରେ ରଙ୍ଗ କାର୍ଯ୍ୟ କରିବାସହ ରଥ ପାର୍ଶ୍ୱ ଦେବ ଦେବୀ, ସଖୀ, ଓଲଟ ଶୁଆ, ଇତ୍ୟାଦିରେ ରଙ୍ଗ କାର୍ଯ୍ୟ ଜାରି ରଖିଛନ୍ତି। ରୂପକାର ସେବକ ମାନଙ୍କ ତିନିରଥର ନାଟ ଗୋଡ଼ରେ କନ୍ଦର୍ପ ରୂପ ଖୋଦେଇ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଛି। ନନ୍ଦିଘୋଷ ରଥର ତିନି ପାର୍ଶ୍ୱରେ ତାଗ ବାଡ଼ିଆପରେ ପଛ ପାର୍ଶ୍ୱରେ ପଟା ବାଡ଼ିଆ କାର୍ଯ୍ୟ ଆରମ୍ଭ ହୋଇଅଛି। ଦୋଳବେଦୀ କମାର ଶାଳ ରେ ଓଝା ସେବକ ମାନେ ସ୍ପୋକ କ୍ଲାମ୍ପ,ଏକ୍ସିଲ କ୍ଲାମ୍ପ, ଏଲ କ୍ଲାମ୍ପ, ଇଉ କ୍ଲାମ୍ପ ସହ ପୋଟଳ କଣ୍ଟା ନିର୍ମାଣ କରୁଛନ୍ତି।

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More