Get real time updates directly on you device, subscribe now.
ବାଲେଶ୍ଵର(ସଂଘର୍ଷ ମିଡିଆ) : – ବାଲେଶ୍ୱର ଜିଲ୍ଲା ସିମୁଳିଆ-ଖଇରl ନିର୍ବାଚନ ମଣ୍ଡଳୀରେ ଚାଲିଥିବା ବିଶାଳ ରକ୍ତଦାନ ଶିବିର ଏବଂ ନିଶୁଳ୍କ ସ୍ୱାସ୍ଥ୍ୟସେବା ଓ ଚକ୍ଷୁ ପରୀକ୍ଷା ଶିବିରର ଷଷ୍ଠ ପର୍ଯ୍ୟାୟରେ ଆଜି ଷ୍ଟେସନ ବଜାର ମାର୍କୋନା, ସିମୁଳିଆ ବ୍ଲକଠାରେ “ରକ୍ତଦାନ ଶିବିର ଏବଂ ନିଶୁଳ୍କ ସ୍ୱାସ୍ଥ୍ୟ ଓ ଚକ୍ଷୁ ଚିକିତ୍ସା ଶିବିର” ଅନୁଷ୍ଠିତ ହୋଇଥିଲା । ବିଶିଷ୍ଟ ସମାଜସେବୀ ଶ୍ରୀଯୁକ୍ତ ଶଶୀ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଦିଲ୍ଲୀର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ଆୟୁଷ୍ମାନ ଫାଉଣ୍ଡେସନର ସହଯୋଗରେ ଅନୁଷ୍ଠିତ ଏହି ଶିବିରରେ ଓଡ଼ିଶା ରକ୍ତକେନ୍ଦ୍ର ଭଦ୍ରକର ସହଯୋଗରେ ୭୧ ୟୁନିଟ ରକ୍ତ ସଂଗ୍ରହ କରାଯାଇଅଛି ଏବଂ ଏହା ସହିତ ଶତାଧିକ ଗ୍ରାମବାସୀଙ୍କ ସ୍ୱାସ୍ଥ୍ୟ ପରୀକ୍ଷା ବିଶିଷ୍ଟ ଡାକ୍ତର ମାନଙ୍କ ଦ୍ୱାରା କରାଯାଇଥିବାବେଳେ ୧୫୦ରୁ ଅଧିକ ଲୋକ ଚକ୍ଷୁ ପରୀକ୍ଷା କରିଥିଲେ,ଆଜିର ଏହି ବିଶାଳ ଶିବିରରେ ୧୫୦୦ ରୁ ଉର୍ଦ୍ଧ୍ବ ଜନସାଧାରଣଙ୍କ ସମାଗମ ହୋଇଥିଲା । ଏବଂ ସମସ୍ତ ରକ୍ତଦାତାଙ୍କୁ ସମାଜସେବୀ ଶ୍ରୀଯୁକ୍ତ ଶଶୀ କୁମାର ସାହୁ ହୃଦୟର ସହ ଧନ୍ୟବାଦ ଜଣାଇଛନ୍ତି, ଶ୍ରୀଯୁକ୍ତ ସାହୁ ତାଙ୍କର ଏହି ଭଳି ସମାଜସେବା ଆଗକୁ ଜାରି ରହିବ ବୋଲି ପ୍ରକାଶ କରିଛନ୍ତି,ଶ୍ରୀଯୁକ୍ତ ସାହୁଙ୍କର ଏହି ଭଳି ସମାଜସେବାକୁ ଖଇରା ସିମୁଳିଆ ବାସି ବେଶ ପ୍ରଶଂସା କରିଛନ୍ତି,ଏହି ରକ୍ତଦାନ ଏବଂ ନିଶୁଳ୍କ ସ୍ୱାସ୍ଥ୍ୟସେବା ଓ ଚକ୍ଷୁ ପରୀକ୍ଷା ଶିବିରରେ ଆୟୁଷ୍ମାନ ଫାଉଣ୍ଡେସନର ସଂସ୍ଥାପକ ଶ୍ରୀଯୁକ୍ତ ଶ୍ରୀମନ୍ତ ବିଶ୍ଵାଳ ଏବଂ ଫାଉଣ୍ଡେସନର ସଦସ୍ୟ ହେମନ୍ତ ଦାଶ,ସୁବାସ ବାରିକ,ଶରତ ମୁଖି,ସତ୍ୟବ୍ରତ ପାଢ଼ୀ,ମୂରଲୀଧର ଜେନା,ଅନିଲ ରାଉଳ, କାହ୍ନୁ ଚରଣ ପଣ୍ଡା ଉପସ୍ଥିତ ଥିଲେ । ବାଲେଶ୍ୱର ଖଇରାରୁ ଜୟନ୍ତ କୁମାର ରାଉତଙ୍କ ରିପୋର୍ଟ ସଂଘର୍ଷ ନିୟୁଜ ।
