Get real time updates directly on you device, subscribe now.
କଟକ(ସଂଘର୍ଷ ମିଡିଆ) : – କଟକ ଜିଲ୍ଲା କଣ୍ଟାପଡା ବ୍ଲକ ନାହାଳପୁର ଗ୍ରାମପଞ୍ଚାୟତ ଗୁଣାଦୋଳ ଗ୍ରାମର ଅଧିଷ୍ଠାତ୍ରୀ ଦେବୀ ମା କ୍ଷେତ୍ରାଣୀଙ୍କ ପୀଠସ୍ଥଳୀ ରେ ବାସନ୍ତୀ ପୂଜା ଓ ବିଶ୍ୱଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି।ଆଖପାଖ ଅଞ୍ଚଳ ର ଶତାଧିକ ଭକ୍ତମାନଙ୍କ ମା ଙ୍କ ପୀଠରେ ସମାଗମ ହୋଇଥିଲା।ଚଳିତ ବର୍ଷ ମା ଙ୍କ ପୂଜା ପାଇଁ ଯୁବକମାନେ ଆଗେଇ ଆସିଥିଲେ।ପୀଠସ୍ଥଳୀ ରେ ଯାଦବ ପିଲାମାନଙ୍କ ଦ୍ଵାରା ଲଉଡି ଖେଳ ପରିବେଷଣ କରାଯାଇଥିଲା।ପୀଠ ରେ ପାଲା ପରିବେଷଣ କରାଯାଇଥିଲା।ପୂର୍ଣ୍ଣାହୁତି ପରେ ମା କ୍ଷେତ୍ରାଣୀ ଡ୍ରାମାଟ୍ରିକ କ୍ଲବ ପିଲାମାନଙ୍କ ଦ୍ୱାରା ନାଟକ ପରିବେଷଣ କରାଯାଇଥିଲା।ଦୁଇଦିନ ଧରି ନାଟକ ପରିବେଷଣ କରାଯାଇଥିଲା।ପ୍ରଥମ ରାତ୍ର ନାଟକ ହେ ନାରୀ ତତେ ନମସ୍କାର ଓ ଦ୍ୱିତୀୟ ରାତ୍ରି ନାଟକ କହିଲେ କହିବ ମିଛ କହୁଛି।।ଆଖପାଖ ଅଞ୍ଚଳର ଶତାଧିକ ଦର୍ଶକ ନାଟକ ଦେଖି ଆତ୍ମବିଭୋର ହୋଇଥିଲେ।ଶେଷରେ ଭକ୍ତମାନଙ୍କ ପାଇଁ ଅନ୍ନପ୍ରସାଦ ର ବ୍ୟବସ୍ତା କରାଯାଇଥିଲା।ମା କ୍ଷେତ୍ରାଣୀ ଡ୍ରାମାଟ୍ରିକ କ୍ଳବ ଓ ଯୁବପରିଷଦ ଓ ଗ୍ରାମବାସୀ ଙ୍କ ସହଯୋଗରେ ପୂଜା ସୁଚାରୁ ରୂପେ ପରିଚାଳନା କରିଥିବାରୁ ଗ୍ରାମର ବୁଦ୍ଧିଜୀବୀ ମାନେ ପ୍ରସଂସା କରିଥିଲେ। କଟକ ଜିଲ୍ଲା ଗ୍ରାମାଞ୍ଚଳରୁ ସନ୍ତୋଷ ପ୍ରଧାନଙ୍କ ରିପୋର୍ଟ ସଙ୍ଘର୍ଷ ନିଉଜ ।
