Get real time updates directly on you device, subscribe now.
ମାହାଙ୍ଗା(ସଂଘର୍ଷ ମିଡିଆ ) : ମାହାଙ୍ଗା, କୁସୁପୁର ଅଲେଖ ସାହୁଙ୍କ ପରିବାରର ପାଞ୍ଚ ହତ୍ୟା ଘଟଣାରେ ମାହାଙ୍ଗା ପୋଲିସ ତରଫରୁ ଘରକୁ ସିଲ କରିଥିବା ବେଳେ ଏକ ନୋଟିସ ଜାରିକରିଛି । ମାହାଙ୍ଗା ପୋଲିସ ଅଭିଯୁକ୍ତ ଶିବ ସାହୁର ସ୍ତ୍ରୀକୁ ପଚାର ଉଚରା କରିଥିବା ବେଳେ ସ୍ଥାନୀୟ ଲୋକମାନେ ଏହି ହତ୍ୟା ଘଟଣାକୁ ସହଜରେ ଗ୍ରହଣ କରିପାରିନାହାନ୍ତି । ଏହି ହତ୍ୟା ଜଣକର କାମ ନୁହେଁ ଏଥିରେ ଏକାଧିକ ଲୋକଙ୍କର ସମ୍ପୃକ୍ତି ସନ୍ଦେହ କରିବା ସହ କ୍ରାଇମବ୍ରାଞ୍ଚ ତଦନ୍ତର ଦାବିକରିଛନ୍ତି । ଗତ କାଲି ବିଳମ୍ବିତ ସମୟରେ ଶବ ଜବତ ହୋଇଥିବାରୁ ଶବଗୁଡିକୁ ଆଜି ବ୍ୟବଚ୍ଛେଦ ପାଇଁ କଟକ ମେଡିକାଲକୁ ପଠାଯାଇଛି । ଆଜି ଅଭଯୁକ୍ତ ଶିବ ସାହୁର ଡାକ୍ତରୀମାଇନା କରାଯାଇ କୋର୍ଟ ଚାଲାଣ କରାଯିବ । ଏପଟେ ଅଲେଖ ସାହୁଙ୍କ ଶାଶୁ ରୀନା ପୃଷ୍ଟି କାଲି ଝିଅ ଜ୍ୱାଇଁ ନାତି ଓ ନାତୁଣୀ ହତ୍ୟାର ଏକ ଏତଲା ମାହାଙ୍ଗା ଥାନାରେ ଦେଇଥିଲେ । ଆଜି କିନ୍ତୁ ସେ ଏହି ହତ୍ୟା ଘଟଣାରେ ଏକାଧିକ ଲୋକ ସମ୍ପୃକ୍ତ ଥିବା ସନ୍ଦେହ କରୁଥିବା କହିଛନ୍ତି ।
