Get real time updates directly on you device, subscribe now.
- ମାହାଙ୍ଗା(ସଂଘର୍ଷ ମିଡିଆ ) : ମାହାଙ୍ଗା କୁସୁପୁର ବହୁଚର୍ଚ୍ଚିତ ହତ୍ୟା ଘଟଣାର ଅଭଯୁକ୍ତ ଶିବ ସାହୁର ଆଜି ଦ୍ୱିତୀୟ ଦିନ ରିମାଣ୍ଡରେ ମାହାଙ୍ଗା ପୋଲିସ ଅଭିଯୁକ୍ତକୁ ଘଟଣା ସ୍ଥଳକୁ ନେଇ ହତ୍ୟା ଘଟଣାର ସିନ ରିକ୍ରିଏସନ କରାଇଥିଲା। ଆଜି ଦିନ ପାଖାପାଖି ୧୦ଟା ୩୦ମିନିଟ୍ ସମୟରେ ମାହାଙ୍ଗା ପୋଲିସ ଅଭିଯୁକ୍ତ ଶିବ ସାହୁକୁ ନେଇ ଘଟଣା ସ୍ଥଳରେ ପହଞ୍ଚିଥିଲା ଏବଂ ପାଖାପାଖି ୪୫ ମିନିଟ ଧରି ହତ୍ୟାର ସିନ ରିକ୍ରିଏସନ୍ ଚାଲିଥିଲା। ପରେ ପରେ ଘଟଣା ସ୍ଥଳ ନିକଟରୁ ପାଖାପାଖି ତିନି ଶହ ମିଟର ଦୂରରେ ଥିବା ତାର ଭଡା ଘରକୁ ନିଆଯାଇଥିଲା ସେଠାରୁ ତାକୁ ମାହାଙ୍ଗା ଥାନାକୁ ଅଣାଯାଇଥିଲା। ଆଜି ଘଟଣା ସ୍ଥଳରୁ ଆଉ କିଛି ମାରଣାସ୍ତ୍ର ପୋଲିସ ଜବତ କରିଛି। ଆଜି ସିନ ରିକ୍ରିଏସନରେ କଟକ ଗ୍ରାମାଞ୍ଚଳ ଆଡିସନାଲ ଏସ ପି ଅଶୋକ କୁମାର ବେହେରା, ସାଲେପୁର ଏସ ଡି ପି ଓ ବିମଳ ବାରିକ୍, ଓ ମାହାଙ୍ଗା ତହସିଲଦାର ଉମାକାନ୍ତ ବିଶ୍ଵାଳ ଉପସ୍ଥିତ ରହିଥିଲେ। ସୁରକ୍ଷାକୁ ଦୃଷ୍ଟିରେ ରଖି ଘଟଣା ସ୍ଥଳରେ ଦୁଇ ପ୍ଲାଟୁନ୍ ଫୋର୍ସ ମୁତୟନ କରାଯାଇଥିଲା।
