Get real time updates directly on you device, subscribe now.
ବୌଦ୍ଧ(ସଂଘର୍ଷ ମିଡିଆ ) : ବୌଦ୍ଧ ସଦର ବ୍ଲକ ମହିମା ଧର୍ମ ର ଜ୍ଞାନ ପୀଠ ବଳIସିଙ୍ଗା ମହୁଳମୂଳ ଠାରେ ପବିତ୍ର ବୈଶାଖ ପୁର୍ଣିମା ଦିନ ମହିମା ବିକାଶ ପରିଷଦ ତରଫରୁ ସନ୍ଥକବି ଭୀମ ଭୋଇ ଜନ୍ମ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଆଗ ରାତିସାରା ଘୃତ ଯଜ୍ଞ, ମହିମା ଭଜନ ପରେ ପୁର୍ଣିମା ପ୍ରାତଃରେ ବାଲ୍ୟ ଲୀଳା ଇତ୍ୟାଦି ପାରମ୍ପରିକ ରୀତିନୀତି ମଧ୍ୟରେ ପାଳିତ ହୋଇଥିଲା । ଏହି ଅବସରରେ ସନ୍ଥକବି ଭୀମ ଭୋଇଙ୍କ ଫୋଟ ଚିତ୍ରରେ ମାଲ୍ୟାର୍ପଣ, ଧୂପଦୀପ ଅର୍ପଣ କରିଥିଲେ ମୁଖ୍ୟ ଅତିଥି ବୌଦ୍ଧ ବିଧାୟକ ପ୍ରଦୀପ କୁମାର ଅମାତ, ସଂମ୍ମାନିତ ଅତିଥି ଭାବେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ଅତିରିକ୍ତ ଜିଲ୍ଲାପାଳ ବବିତା ରାଣୀ ଦଳବେହେରା ପ୍ରକଳ୍ପ ନିର୍ଦ୍ଧେଶକ ଅଶ୍ୱିନୀ କୁମାର ମେହେର, ଉପ ଜିଲ୍ଲାପାଳ ସନତ କୁମାର ନାଏକ, ମୁଖ୍ୟ ବକ୍ତା ପ୍ରାଧ୍ୟାପକ ବାସୁଦେବ ପାତ୍ର, ଯୁବ ଗବେଷକ ସତ୍ୟନାରାୟଣ ପାଣି, ସ୍ଥପତି ସୁମନ ଷଡ଼ଙ୍ଗୀ,ସାହିତ୍ୟିକ ନିଳ ଲୋହିତ ମହାପାତ୍ର,ସାମାଜିକ କର୍ମୀ ଚେତ୍ତାରାମ ପଟ୍ଟନାୟକ, କୁରୁ ମେହେର, କୃତ୍ତିବାସ ପଲିଆ ପ୍ରମୁଖ ଯୋଗଦେଇଥିଲେ । ମହିମା ବିକାଶ ପରିଷଦ ର ସଭାପତି ବିଭୁତି ଭୂଷଣ ପ୍ରଧାନ, ସମ୍ପାଦକ ବାବା କୁଳଧର ଦାସ, ବାବା କୃଷ୍ଣ ଚନ୍ଦ୍ର ଦାସ ପ୍ରମୁଖ ଆୟୋଜନ କରିଥିବା ବେଳେ ବଳIସିଙ୍ଗା ଗ୍ରାମବାସୀ ସମେତ ଆଖ ପାଖର ଭକ୍ତ ମାନେ ସହଯୋଗ କରିଥିଲେ । ରିପୋର୍ଟ, ଉଗ୍ରସେନ କର୍ମୀ, ବୌଦ୍ଧ, ସଂଘର୍ଷ ନ୍ୟୁଜ l
