Get real time updates directly on you device, subscribe now.
କେନ୍ଦ୍ରାପଡା(ସଂଘର୍ଷ ମିଡିଆ ) : – କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବଜାର ବିଦେଶୀ ମଦ ଦୋକାନ ନିକଟରେ ଗୁଳିକାଣ୍ଡ । ଗୁଳିକାଣ୍ଡ ରେ ଜଣେ ବଜରଙ୍ଗ ଦଳର ସଦସ୍ଯ ଗୁରୁତର ହୋଇଥିବା ସୁଚନା ମିଳିଛି। ଖବର ମୁତାବକ ବଜରଙ୍ଗ ଦଳର ସଦସ୍ଯ ଲକ୍ଷ୍ମଣ କୁମାର ମଲ୍ଲିକ ୩ ଦିନ ତଳେ ରାମନଗର ପୋଲ ନିକଟରେ ଗୋଚାଲାଣକାରୀ ଏକ ଟାଟା ଏସି ଗାଡିରେ ଗୋରୁ ନେଇ ଯାଉଥିବା ବେଳେ ବଜରଙ୍ଗ ଦଳ ସଦସ୍ୟ ମାନେ ଗାଡି ଅଟକାଇ ଗୋରୁମାନଙ୍କୁ ଖୋଲି ଦେଇଥିଲେ। ଏହାକୁ ନେଇ ଦୁଇ ଗୋଷ୍ଠୀ ମଧ୍ୟରେ ଚାପା ଉତ୍ତେଜନା ଦେଖାଦେଇଥିଲା। ଉଭୟ ଗୋଷ୍ଠୀ ଆଜି ମହାକାଳପଡ଼ା ଛକରେ ମୁହାଁମୁହିଁ ହେବା ପରେ ଗୋଚାଲାଣକାରୀ ମାନେ ବଜରଙ୍ଗ ଦଳର ସଦସ୍ଯ ଲକ୍ଷ୍ମଣ ମଲ୍ଲିକଙ୍କୁ ଗୁଳି କରି ଫେରାର ହୋଇଯାଇଥିଲେ। ସେହି ଗୁଳି ସମୟରେ ଲକ୍ଷ୍ମଣ ଙ୍କ ଡାହାଣ ଗୋଡର ପାଦରେ ବାଜିବା କାରଣରୁ ପ୍ରଥମେ ମହାକାଳପଡ଼ା ମେଡିକାଲ ଏବଂ ପରେ କେନ୍ଦ୍ରାପଡା ଜିଲ୍ଲା ସ୍ବାସ୍ଥ୍ୟକେନ୍ଦ୍ର କୁ ସ୍ଥାନାନ୍ତର କରାଯାଇଛି। ଘଟଣା ସମ୍ପର୍କରେ ସ୍ଥାନୀୟ ପୋଲିସ କିମ୍ବା ବଜରଙ୍ଗ ଦଳ ପକ୍ଷରୁ କୈଣସି ସୂଚନା ମିଳିନାହିଁ । ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଚଳାଇଛି।ଏବେ ଦେଖିବାକୁ ବାକି ରହିଲା ପୋଲିସ ପ୍ରକୃତ ଆସାମୀମାନଙ୍କ ବିରୋଧରେ କିପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରୁଛି।
