Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ ) : – ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ସନ୍ତୋଷପୁର ଠାରେ ଥିବା ବିଦେଶୀ ମଦ ଦୋକାନ କୁ ରାୟଗଡା ଡିପୋ ଠାରୁ ପ୍ରାୟ ୨୫୦ ପେଟି ବିଅର ମଦ ନେଇ ଆସୁଥିବା ଏକ ପିକ ଅପ ଭ୍ୟାନ ଆଜି ସକାଳ ପ୍ରାୟ ୭ଟା ସମୟରେ କୋଷାଗୁମୁଡା ଠାରୁ ପ୍ରାୟ ଦୁଇ କିଲୋମିଟର ଦୂର ଛେଳିପଦର ଜଙ୍ଗଲରେ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇ ଓଲଟି ଯାଇଛି । ଦୁର୍ଘଟଣା ସ୍ଥଳରେ ପେଟି ପେଟି ମଦ ରାସ୍ତା ଉପରେ ପଡି ରହିଥିବା ଦେଖିବାକୁ ମିଳିଥିଲା । ଏହି ଦୁର୍ଘଟଣା ଖବର ପାଇ ଉକ୍ତ ବିଦେଶୀ ମଦ ଦୋକାନର ମ୍ୟାନେଜର ଓ ସ୍ଥଳରେ ପହଞ୍ଚି ରାସ୍ତା ଉପରୁ ସମସ୍ତ ମଦ ବୋତଲ ଗୋଟାଇ ଥିବା ଦୃଶ୍ୟ ଦେଖିବାକୁ ମିଳିଥିଲା । ଅନ୍ୟ ପଟେ ଏହାର ଖବର ପାଇ କୋଷାଗୁମୁଡା ପୋଲିସ ଘଟଣା ସ୍ଥଳ ରେ ପହଞ୍ଚି ଟ୍ରାଫିକ ବ୍ୟବସ୍ତା ଉପରେ ଧ୍ୟାନ ଦେବା ଶହ ଦୁର୍ଘଟଣା ଗ୍ରସ୍ତ ପିକ ଅପ ଭ୍ୟାନକୁ ଥାନାକୁ ନେଇଥିଲେ । ଏହି ଦୁର୍ଘଟଣାରେ ଚାଳକକୁ ସେତେ ମାଡ ହୋଇନଥିବା ବେଳେ ହେଲ୍ପରକୁ କୋଷାଗୁମୁଡ଼ା ଗୋଷ୍ଟିସ୍ୱାସ୍ଥ୍ୟ କେନ୍ଦ୍ର ଠାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଏହି ଦୁର୍ଘଟଣାକୁ ନେଇ କୋଷାଗୁମୁଡ଼ା ଥାନା ଅଧିକାରୀ ଗୋବିନ୍ଦ ବୁରୁଦା କେସ ନମ୍ବର-୫୬/୨୨ରେ ଆଇପିସି-୨୭୯,୩୩୭ ର ଆଧାର ରେ ଏକ ମାମଲା ରୁଜ୍ଜୁ କରି ତଦନ୍ତକାରୀ ଅଫିସର ଭାବେ ଏସ, ଆଇ-ଏସ,ବାରିକଙ୍କୁ ଦାଇତ୍ୱ ଦେଇଛନ୍ତି ବୋଲି ଥାନା ଅଧିକାରୀ ସୂଚନା ଦେଇଛନ୍ତି ।ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତି ଙ୍କ ରିପୋର୍ଟ ସଂଘର୍ଷ ନିୟୁଜ।
