Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ ): ନବରଙ୍ଗପୁର ଜିଲ୍ଲା ସଦର ବ୍ଳକ ଅନ୍ତର୍ଗତ ତାରାଗାଁ ଛକ ନିକଟରେ ଏକ ପ୍ଲାଏବୋର୍ଡ ବୋଝେଇ ପିକ୍ଓପ୍ ଭେନ୍ ଭାରସାମ୍ୟ ହରାଇ 26 ନମ୍ବର ଜାତୀୟ ରାଜପଥ ରାସ୍ତା ପାର୍ଶ୍ୱରେ ଓଲଟି ପଡିଛି । ସୂଚନା ମୁତାବକ ଗାଡି ନମ୍ବର ସିଜି 04 ଏମଏସ୍ 8256 ପିକ୍ଅପ ଭ୍ୟାନଟି ରାୟପୁରରୁ ପ୍ଲାଏବୋର୍ଡ ବୋଝେଇ ନବରଙ୍ଗପୁର ଅଭିମୁଖେ ବାହାରିଥିଲା । ରାତି ପ୍ରାୟ 12ଟା ବେଳେ 26 ନମ୍ବର ଜାତୀୟ ରାଜପଥ ତାରାଗାଁ ଛକ ନିକଟରେ ଗାଡି ସମ୍ମୁଖରେ ହଠାତ ଏକ ଅଜଣା ଜନ୍ତୁ ଆସିଯିବାରୁ ଡ୍ରାଇଭର ଭାରସାମ୍ୟ ହରାଇବା ଫଳରେ ରାସ୍ତା ପାର୍ଶ୍ୱରେ ପିକ୍ଓପ୍ ଭ୍ୟାନଟି ଓଲଟି ପଡିଥିଲା । ଗାଡିଟି ରେ ବୋଝେଇ ହୋଇଥିବା ପ୍ଲାଏବୋର୍ଡ ରାସ୍ତା ଓ ରାସ୍ତା ପାର୍ଶ୍ୱରେ ଛିଟିକି ପଡିଥିଲା । ଗାଡିର ଡ୍ରାଇଭର ଓ ହେଲ୍ପର ମୃତ୍ୟୁମୁଖରୁ ଅଳ୍ପକେ ବର୍ତ୍ତିଯାଇଥିବା ବେଳେ ରାସ୍ତା କଡ଼ରେ ଥିବା ପାନ ଦୋକାନ ସମ୍ମୁଖ ଛପର ଏବଂ ଏକ କୁଡ଼ିଆ ପ୍ଲାଏବାର୍ଡ ମାଡ଼ରେ ଭାଙ୍ଗିଯାଇଥିବା ଦେଖିବାକୁ ମିଳିଛି । ନବରଙ୍ଗପୁର ଜିଲ୍ଲାରୁ ରବିନାରାୟଣ ମହାନ୍ତି ଙ୍କ ରିପୋର୍ଟ ସଙ୍ଘର୍ଷ ନିୟୁଜ୍।
