Get real time updates directly on you device, subscribe now.
ଭଦ୍ରକ(ସଂଘର୍ଷ ମିଡିଆ) :- ଭଦ୍ରକ ଜିଲ୍ଲା ପୀରହାଟ ଥାନା ଦୌଲତପୁର ଅଞ୍ଚଳରେ ଦେଖିବାକୁ ମିଳିଛି ଅଭାବନୀୟ ଘଟଣା। ବାପାକୁ ପିଟି ପିଟି ମାରିଦେଲେ ପୁଅ, ଝିଅ ଓ ସ୍ତ୍ରୀ । ଏଭଳି ଅଭାବନୀୟ ଘଟଣା ଘଟିଛି ପୀରହାଟ ଅଞ୍ଚଳରେ । ସୂଚନା ଅନୁଯାୟୀ ବାବୁଆ ଦାସ ଓ ତାଙ୍କ ସ୍ତ୍ରୀଙ୍କ ସାଙ୍ଗରେ ମତାନ୍ତର ହେବାରୁ ସ୍ତ୍ରୀ ଓ ଛୁଆ ମାନଙ୍କୁ ନେଇ ତାଙ୍କ ସ୍ତ୍ରୀ ବାପ ଘର ସାବରଙ୍ଗରେ ରହୁଥିଲେ । ଗତକାଲି ବାବୁଆ ଘର ବାହାରେ ଏକ ଭୋଜି ଖାଇ ଶୋଇଥିବା ବେଳେ ହଠାତ ବାବୁଆଙ୍କ ସ୍ତ୍ରୀ, 3 ପୁଅ ଓ ଝିଅ ମିଶି ବାପ ବାବୁଆକୁ ଏକ ଶାବଳରେ ଆକ୍ରମଣ କରିଥିଲେ। ଏହି ଆକ୍ରମଣରେ ବାବୁଆ ଗୁରୁତ୍ୱର ହୋଇ ପଡ଼ିଥିଲେ । ତାଙ୍କ ସମର୍କୀୟ ମଣ୍ଟୁ ତାଙ୍କୁ ଉଦ୍ଧାର କରି ପ୍ରଥମେ ତିହିଡି଼ ମେଡିକାଲ ପରେ ଭଦ୍ରକ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ହେଲେ ଏଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ତେବେ ଏହି ଘଟଣାକୁ ମୃତକ ମାଆ ପୀରହାଟ ଥାନାରେ ଲିଖିତ ଅଭିଯୋଗ ହେବାପରେ ସ୍ଥାନୀୟ ପୋଲିସ ଜଣେ ପୁଅକୁ ଥାନାରେ ଅଟକ ରଖି ଅନ୍ୟ ଆସାମୀ ମାନଙ୍କୁ ପୋଲିସ ଧରିବା ପାଇଁ ତଦନ୍ତ ଆରମ୍ଭ କରୁଛି ।
