Get real time updates directly on you device, subscribe now.
କଟକ ( ସଂଘର୍ଷ ମିଡିଆ ) : ଶନିବାର ସନ୍ଧ୍ୟାରେ ଭିଡିଓ କନଫ୍ରେନସିଂ ଜରିଆରେ ତାଳଦଣ୍ଡା କେନାଲ ଉଭୟ ପାର୍ଶ୍ଵ ରାସ୍ତାକୁ ଉଦଘାଟନ କରିଥିଲେ । ୭ ମାସ ମଧ୍ୟରେ ରାସ୍ତା ସଂପ୍ରସାରଣ ପ୍ରକ୍ରିୟା ଶେଷ ହୋଇଥିବାରୁ ସମସ୍ତ ଅଧିକାରୀ ଓ କଟକ ବାସୀଙ୍କୁ ଧନ୍ୟବାଦ ଦେଇଛନ୍ତି ମୁଖମନ୍ତ୍ରୀ । ଗତ ଜାନୁଆରୀ ୨୩ ତାରିଖରେ ମୁଖ୍ୟମନ୍ତ୍ରୀ କଟକ ଗସ୍ତ ସମୟରେ ଏସ ସି ବି ମେଡିକାଲକୁ ବିଶ୍ୱସ୍ତରୀୟ କରିବା ପାଇଁ ଘୋଷଣା କରିଥିଲେ । ଏହି ଆଧାରରେ ସମସ୍ତ କାର୍ଯ୍ୟ ଆରମ୍ଭ ହୋଇଥିଲା । ଖାସ କରି ମେଡିକାଲ ଚାରିପାଖରେ ରହିଥିବା ବସ୍ତି ବାସିନ୍ଦାଙ୍କୁ ଅନ୍ୟତ୍ର ଥଇଥାନ କରିବା ଜିଲ୍ଲା ପ୍ରଶାସନ ପାଇଁ ଅଧିକ ଚ୍ୟାଲେଞ୍ଜ ରହଥିଲା । ତେବେ ୧୪ କୋଟି ୫୧ ଲକ୍ଷ ବଜେଟରେ ଏବେ ଯୋବ୍ରା ଠାରୁ ରାଣୀହାଟ ଯାଏଁ ରାସ୍ତା ସଂମ୍ପସାରଣ ପ୍ରକ୍ରିୟା ଶେଷ ହୋଇଛି। ଶନିବାର ମୁଖ୍ୟମନ୍ତ୍ରୀ ଏହି ରାସ୍ତାକୁ ଉଦଘାଟନ କରିବା ପରେ ଏସସି ବି କୁ ଆସୁଥିବା ରୋଗୀ ଓ ଆମ୍ୱୁଲାନ୍ସ ଅଧିକ ଫାଇଦା ପାଇପାରିବେ ବୋଲି କହିଛନ୍ତି ପୁର୍ବତନ ବିଧାୟକ ପ୍ରଭାତ ବିଶ୍ୱାଳ । ଏହାର ଉଦଘାଟନୀ ସମାରୋହ ରେ କଟକ ଜିଲ୍ଲା ପ୍ରଶାସନ ସମେତ ସି.ଏମ.ସିର ସମସ୍ତ ଅଧିକାରୀ ସମେତ କଟକ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗ ଦେଇଥିଲେ। କଟକରୁ ସୁରେଶ ଚନ୍ଦ୍ର ରାଉତଙ୍କ ରିପୋର୍ଟ ସଂଘର୍ଷ ନ୍ୟୂଜ୍ ।
