Get real time updates directly on you device, subscribe now.
କେନ୍ଦ୍ରାପଡା (ସଂଘର୍ଷ ମିଡିଆ ) : – କେନ୍ଦ୍ରାପଡା ଜିଲ୍ଲା ର ବରିଷ୍ଠ ବିଜେପି ନେତା ବିଜୟ ପ୍ରଧାନଙ୍କ ପରଲୋକ । କେନ୍ଦ୍ରାପଡା ଜିଲ୍ଲା ମହାକାଳପଡ଼ା ନିର୍ବାଚନ ମଣ୍ଡଳୀର ବରିଷ୍ଠ ବିଜେପି ନେତା ବିଜୟ ପ୍ରଧାନଙ୍କର ୭୨ ବର୍ଷରେ ତାଙ୍କର ପରଲୋକ ହୋଇଛି । ସେ କେନ୍ଦ୍ରାପଡା କଲେଜ ଛାତ୍ର ରାଜନୀତିରୁ ତାଙ୍କ ରାଜନୈତିକ ଜୀବନ ଆରମ୍ଭ କରିଥିଲେ । ଗତ ନିର୍ବାଚନରେ ସେ ମହାକାଳପଡ଼ା ନିର୍ବାଚନ ମଣ୍ଡଳୀରୁ ବିଜେପି ବିଧାୟକ ପ୍ରାର୍ଥୀ ଭାବେ ନିର୍ବାଚନ ଲଢି ଖୁବ୍ କମ୍ ଭୋଟ ବ୍ଯବଧାନରେ ପରାଜିତ ହୋଇଥିଲେ । ଗତକାଲି ବିଳମ୍ବିତ ରାତିରେ ସେ ଭୁବନେଶ୍ୱର ଗଜପତି ନଗରସ୍ଥିତ ନିଜ ବାସଭବନରେ ଥିବାବେଳେ ହଠାତ ଅସୁସ୍ଥ ହୋଇପଡିଥିଲେ । ତାଙ୍କୁ ଡାକ୍ତରଖାନା ନେବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତାଙ୍କ ମରଶରୀରକୁ ଶୋଭାଯାତ୍ରାରେ କେନ୍ଦ୍ରାପଡା ଜିଲ୍ଲା ବିଜେପି କାର୍ଯ୍ଯାଳୟ , ମହାକାଳପଡ଼ା ନିର୍ବାଚନ ମଣ୍ଡଳୀ ସହ ତାଙ୍କ ପୈତୃକ ବାସଭବନ ମହାକାଳପଡ଼ା ର ବରତୋଟା ଗାଁକୁ ନିଆଯାଇଥିଲା । ବହୁ ବିଶିଷ୍ଟ ବ୍ଯକ୍ତି ତାଙ୍କୁ ଶେଷ ଦର୍ଶନ କରିଥିଲେ ।
