ବମହଙ୍ଗା ପଡିଲା ଖବର ସଂଗ୍ରହ କରିବାକୁ ଯାଇଥିବା କାର୍ଯ୍ୟରତ ସାମ୍ବାଦିକଙ୍କୁ ଆକ୍ରମଣ, ବଦଳିଲେ ନବରଙ୍ଗପୁର ଉପ-ଆରକ୍ଷୀ ଅଧୀକ୍ଷକ

ଆଙ୍କର – ମହଙ୍ଗା ପଡିଲା ଖବର ସଂଗ୍ରହ କରିବାକୁ ଯାଇଥିବା କାର୍ଯ୍ୟରତ ସାମ୍ବାଦିକଙ୍କୁ ଆକ୍ରମଣ । ବଦଳିଲେ ନବରଙ୍ଗପୁର ଉପ-ଆରକ୍ଷୀ ଅଧୀକ୍ଷକ ଜୟକୃଷ୍ଣ ବେହେରା । କଟକ କମ୍ୟୁନିକେସନ ଉପ-ଆରକ୍ଷୀ ଅଧୀକ୍ଷକ ଭାବେ ବଦଳି ଆଦେଶନାମା ଜାରି କଲେ ସରକାର । ଗତ ୧୪ ତାରିଖ ଦିନ ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନାକୁ ଖବର ସଂଗ୍ରହ ପାଇଁ ଯାଉଥିବା ଗଣମାଧ୍ୟମର ପ୍ରତିନିଧି ମାନଙ୍କ ଉପରେ ହଠାତ ଉତକ୍ଷିପ୍ତ ହୋଇ ଏକ ପ୍ଲାଷ୍ଟିକ ଲାଠି ସାହାଯ୍ୟରେ ଆକ୍ରମଣ କରିଥିଲେ ଉପ-ଆରକ୍ଷୀ ଅଧୀକ୍ଷକ ଜୟକୃଷ୍ଣ ବେହେରା । ଯାହାକୁ ନେଇ ଗଣମାଧ୍ୟମ ର ପ୍ରତିନିଧି ଓ ଜିଲ୍ଲା ସମ୍ବାଦିକ ମାନେ ଉପ-ଆରକ୍ଷୀ ଅଧୀକ୍ଷକ ଜୟକୃଷ୍ଣ ବେହେରା ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି ପାପଡାହାଣ୍ଡି ଥାନା ସମ୍ମୁଖରେ ଧାରଣା ଦେଇଥିଲେ । ପରେ ଅତିରିକ୍ତ ଜିଲ୍ଲାପାଳ ଆସି ଧାରଣାରତ ସାମ୍ବାଦିକ ମାନଙ୍କ ସହ ଆଲୋଚନା କରି କାର୍ଯ୍ୟନୁଷ୍ଠାନ ନେଇ ପ୍ରତିଶ୍ରୁତି ଦେବାପରେ ଧାରଣା ରୁ ଓହରିଥିଲେ ସାମ୍ବାଦିକ । ଏଥିସହ ଜିଲ୍ଲା ସାମ୍ବାଦିକ ୟୁନିୟନ ତରଫରୁ ଉପ-ଆରକ୍ଷୀ ଅଧୀକ୍ଷକଙ୍କ ବିରୋଧରେ ସପ୍ତାହକ ମଧ୍ୟରେ ଅର୍ଥାତ ୨୧ ତାରିଖ ସୁଦ୍ଧା କାର୍ଯ୍ୟାନୁଷ୍ଠାନ ନେଇ ଜିଲ୍ଲାର ସମସ୍ତ ବ୍ଲକ ର ବିଡ଼ିଓ ଙ୍କ ଜରିଆରେ ମୁଖ୍ୟମନ୍ତ୍ରୀ ଓ ପୋଲିସ ଡିଜିଙ୍କୁ ଦାବି ପତ୍ର ପ୍ରେରଣ କରିଥିଲେ । ଆଜି ଉପ-ଆରକ୍ଷୀ ଅଧୀକ୍ଷକଙ୍କ ବଦଳି ନେଇ ସରକାର ନିର୍ଧେଶନାମା ଜାରି କରିଛନ୍ତି । ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ସଙ୍ଘର୍ଷ ନିୟୁଜ୍।