Get real time updates directly on you device, subscribe now.
ନବରଙ୍ଗପୁର (ସଂଘର୍ଷ ମିଡିଆ ) : ରାଜଗାଙ୍ଗପୁର ପୌରାଞ୍ଚଳ ସ୍ଥିତ ନାୟାର ଛକରେ ପୋଲିଶ ପେଟ୍ରୋଲିଙ୍ଗ ସମୟରେ ଏକ ଓଡି ୧୪ ଟି ୦୭୭୯ ନଂ ମେଜିକ ଗାଡିକୁ ଅଟକାଇ ତଦନ୍ତ କରିଥିଲେ l ଉକ୍ତ ଗାଡିରେ ବୋଝ ଲଦିଲାଭଳି କରୋନା କଟକଣାକୁ ବେଖାତିର କରି ଶ୍ରମିକ ମାନଙ୍କୁ ନେଉଥିବାର ଦେଖାଯାଇଥିଲା l ଗାଡ଼ିରେ ଶ୍ରମିକ ମାନଙ୍କର ଭିଡ଼ ଦେଖି ମେଜିକ ଗାଡିକୁ ଅଟକାଇ ଥିଲେ ରାଜଗାଙ୍ଗପୁର ପୋଲିଶ l ତଦନ୍ତ ପରେ ଶ୍ରମିକ ମାନଙ୍କୁ ପାଦଚଲା ରାସ୍ତାରେ ଯିବାକୁ ନିର୍ଦ୍ଦେଶ ଦେଇ ଚାଳକ ସହ ମେଜିକ ଗାଡିକୁ ଜବତ କରି ଥାନାକୁ ନେଇଥିଲେ l ପ୍ରତ୍ୟେକ ଦିନ ଏଭଳି ଅନେକ ଗାଡିରେ ଶ୍ରମିକ ମାନଙ୍କୁ ପ୍ରବଳ ଭିଡରେ ନିୟାଯାଉଥିବାର ଦେଖା ଯାଉଛି l ଏହା ଉପରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହେଉଛି l କିଛି ଅଧିକ ରୋଜଗାର ପାଇଁ ମେଜିକ ଗାଡି ଗୁଡିକ ଓ ଅଟୋରେ ଗୋରୁ ଗାଇ ବୋହିବା ଭଳି ମଣିଷ ନେଉଥିବାର ପରିଲକ୍ଷିତ ହୋଇଛି । ସବୁ ଦେଖି ଜାଣି ମଧ୍ୟ ପରିବହନ ବିଭାଗୀୟ ଅଧିକାରୀ ଓ କର୍ମଚାରୀ ଗଣ ଚେଇଁ ଶୋଇଥିବା ଅଭିଯୋଗ କରିଛି ବୁଦ୍ଧୀଜିବି ମହଲ । ଏଭଳି ଭାବେ ସଠିକ ସମୟରେ ସମସ୍ତ ଗାଡିକୁ ଯାଞ୍ଚ କରାଗଲେ ହୁଏତ ଆଗାମୀ ଦିନରେ କିଛିଟା ପରିବର୍ତ୍ତନ ହୋଇପାରେ ବୋଲି ଆଶା କରାଯାଉଛି ।
