Get real time updates directly on you device, subscribe now.
ରାଉରକେଲା(ସଂଘର୍ଷ ମିଡିଆ ) : ମହାନ ନାଟ୍ଯକାର ତଥା ସମାଜସେବୀ ପୁଲିନ ବିହାରୀ ମାନସିଂହ ପ୍ରଥମ ଶ୍ରାଦ୍ଧବାର୍ଷିକୀ ଉପଲକ୍ଷେ ତାଙ୍କ ନାମରେ ଗଠିତ ପୁଲିନ ମାନସିଂହ ଫ୍ୟାନ୍ସ କ୍ଲବ ତରଫରୁ ରେଲୱେ କଲୋନୀ ନିକଟସ୍ଥ ଶାନ୍ତି ଭବନ ଠାରେ ଅନ୍ତେବାସୀଙ୍କୁ ଶୁଖିଲା ଖାଦ୍ୟ ଓ ପୋଷାକ ବଣ୍ଟନ କରାଯାଇଥିଲା। ଫ୍ୟାନ୍ସ କ୍ଲବର ମୁଖ୍ୟ ସୁନିଲ ମାନସିଂହଙ୍କ ଆବାହକତ୍ବରେ ଆୟୋଜିତ ଏହି କାର୍ଯ୍ୟକ୍ରମ ରେ ସମାଜସେବୀ ଗୌତମ ବାଡା, ଆଇନଜୀବୀ ସଚ୍ଚିଦାନନ୍ଦ ପରିଡା ଓ ଶକ୍ତିବାହିନୀର ମୁଖ୍ୟ ଶ୍ରଦ୍ଧା ଷଡଙ୍ଗୀ ପ୍ରମୁଖ ଅତିଥି ଭାବେ ଯୋଗଦେଇ ଏହି କାର୍ଯ୍ୟ ସଂପାଦନ କରିଥିଲେ। ଅତିଥିମାନେ ସ୍ବର୍ଗତ ମାନସିଂହ ଙ୍କ ସ୍ମୃତିଚାରଣ ସହ ତାଙ୍କ କାର୍ଯ୍ୟକଳାପ ସମ୍ପର୍କରେ ଆଲୋଚନା କରିବା ସହ ସେ ସବୁଦିନ ପାଇଁ ଆମ ହୃଦୟରେ ଏକ ଅଲିଭାଗାର ହୋଇ ରହିଥିବେ ବୋଲି ମତ ରଖିଥିଲେ। ଅନ୍ୟ ମାନଙ୍କ ମଧ୍ୟରେ ସର୍ବଶ୍ରୀ ଦେବରାଜ ଲେଙ୍କା, ଲଲନ ଠାକୁର,ଅରବିନ୍ଦ ମହାନ୍ତି,ଭୂଷଣ ସେଠୀ, ସୁମିତ ଦାସ,ଅଜୟ ଜେନା, ସଂଜୀବ ନାୟକ,ଶଙ୍କର ଦାସ, ପ୍ରଶାନ୍ତ ରାଉତ,ଉପେନ୍ଦ୍ର ଜେନା,ପ୍ରଭାତ ସାହୁ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ। ଶେଷରେ ଆବାହକ ଶ୍ରୀ ମାନସିଂହ ଧନ୍ୟବାଦ ଅର୍ପଣ କରିଥିଲେ।
