Get real time updates directly on you device, subscribe now.
ଗଜପତି(ସଂଘର୍ଷ ମିଡିଆ) : – ପାରଳାଖେମୁଣ୍ଡି ସହରରେ ବୁଲା କୁକୁରଙ୍କ ଉପଦ୍ରବ,ପୌର ପରିଷଦ ନିରୁପାୟ,ଅଭିଯୋଗ କରିଲେ ମଧ୍ୟ ନିଦା ବିଷ୍ଣୁ ସାଜିଛି। ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିରେ ଦିନକୁ ଦିନ ବୁଲା କୁକୁରଙ୍କ ଉପଦ୍ରବ ହେବାରେ ଲାଗିଛି।ପ୍ରତ୍ୟେକ ସାହି,ଛକ,ରାସ୍ତା ଉପରେ ଏହି କୁକୁରମାନେ ରହି ଥାଉଛନ୍ତି।ଜନ ସାଧାରଣ ଯିବା ଆସିବା ସମୟରେ କାମୁଡ଼ିବାକୁ ଗୋଡାଉଛନ୍ତି ଓ କାମୁଡି ମଧ୍ୟ ଦେଉଛନ୍ତି।ରାସ୍ତାରେ ଯିବାକୁ ଲୋକମାନେ ଭୟଭୀତ ହେଉଥିବାର ଦେଖିବାକୁ ମିଳିଛି । ଛୋଟ ଛୋଟ ପିଲା ମାନେ ସ୍କୁଲକୁ ଟିୟୁସନକୁ ଯିବାକୁ ଡରୁଛନ୍ତି। ଲୋକମାନେ ମଧ୍ୟ ପ୍ରାତଃ ଭ୍ରମଣରେ ଯାଉଛନ୍ତି ହେଲେ କୁକୁର ପଛରେ ଗୋଡ଼ାଇ ଗୋଡାଇ କାମୁଡ଼ିବାକୁ ଆସୁଛି ।ପୌର ପରିଷଦ କି ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେଲେ ଜନ ସାଧାରଣ ଉପକୃତ ହୋଇପାରିବେ ବୋଲି ଆଶା କରାଯାଉଛି।
