Get real time updates directly on you device, subscribe now.
ଭଦ୍ରକ ( ସଂଘର୍ଷ ମିଡିଆ ) : ଭଦ୍ରକର ଯୁବ ବ୍ୟବସାୟୀ ତଥା ସମାଜସେବୀ ନନ୍ଦକିଶୋର ମିଶ୍ରଙ୍କର ୫୬ ବର୍ଷ ବୟସରେ କଟକର ଏକ ଘରୋଇ ହସ୍ପିଟାଲରେ ପରଲୋକ ହୋଇଯାଇଛି । ଭଦ୍ରକ ସହରାଞ୍ଚଳ ଚରମ୍ପା ଅନ୍ତର୍ଗତ ବରାଳ ପୋଖରୀ ଗ୍ରାମର ସ୍ୱର୍ଗତ ଶ୍ରୀ ମିଶ୍ର ବ୍ୟବସାୟ କରିବା ସହିତ ସମାଜ ସେବା କୁ ବ୍ରତ ଭାବେ ଗ୍ରହଣ କରିଥିଲେ। ତାଙ୍କ ଉଦ୍ୟମରେ ଚରମ୍ପା ଓ ବରାଳ ପୋଖରୀ ଅଞ୍ଚଳର ବହୁତ ଉନ୍ନତି ମୂଳକ କାର୍ଯ୍ୟ କରିଥିଲେ । ତାଙ୍କର ଶେଷ ଉଦ୍ୟମ ଥିଲା ଲୋକମାନେ ଯିବାଆସିବା ପାଇଁ ରେଳବାଇ ୧୧୯ ନମ୍ବର ଗେଟ୍ ପାଖରେ ଉଡନ୍ତା ପୋଲ ପାଇଁ ଦାବି କରିଥିଲେ। ଗତ କିଛି ଦିନ ଧରି ଅସୁସ୍ଥତା ଅନୁଭବ କରିବାରୁ କଟକ ଏକ ଘରୋଇ ହସ୍ପିଟାଲରେ ଚିକିତ୍ସା ହେଉଥିଲେ । ଆଜି ତାଙ୍କର ହୃଦଘାତରେ ପରଲୋକ ହୋଇଥିଲା । ମୃତ୍ୟୁଖବର ପ୍ରଚାରିତ ହେବା ପରେ ଭଦ୍ରକ ଓ ଚରମ୍ପା ଅଞ୍ଚଳରେ ଶୋକର ଛାୟା ଖେଳିଯାଇଛି । ତାଙ୍କ ମର ଶରରକୁ ଏକ ଶୋଭାଯାତ୍ରାରେ ଅଣାଯିବା ପରେ ସେଠାରେ ବହୁ ବ୍ୟକ୍ତି ମରଶରୀରକୁ ଅନ୍ତିମ ଦର୍ଶନ କରିବା ସହ ପୂର୍ବତନ ବିଧାୟକ ନରେନ ପଲାଇ, ରୋଟାରୀୟାନ ଅତିଶ ବେହେରା, ଆଇନ ଜିବୀ ପବନ ଶର୍ମା, ପୂର୍ବତନ କାଉନସିଲର ଗୋପିନାଥ ନାୟକ,କାମେଶ ପରିଡ଼ା, ଚିତ୍ତରଞ୍ଜନ ମିଶ୍ର ,ଉମର ଅଲ୍ଲିଙ୍କ ସହ ପରିବାରର ସମସ୍ତ ସଦସ୍ୟ ଉପସ୍ଥିତ ରହି ଶେଷ ଦର୍ଶନ କରିଥିଲେ ।
