Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ): – ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ ବୁର୍ଜା ଗ୍ରାମ ପଞ୍ଚାୟତ ଅନତର୍ଗତ କୋପସାଭଟା ଗ୍ରାମ ରେ ତା-୧୩/୦୮/୨୨ ଶନିବାର ଦିନ ସକାଳ ୧୦:୩୦ ସକାଳ ସମୟରେ ୨୫ ଗୋଟି କନ୍ଧ ଆଦିବାସୀ ପରିବାରର ଦୀର୍ଘ ୩୫ ବର୍ଷର ଦଖଲ ଜଙ୍ଗଲ କିସମ ଚାଷ ଜମି ମଧ୍ୟରୁ ୩୦ ଏକର ମକ୍କା ଫସଲକୁ ବନ ବିଭାଗ ଦ୍ଵାରା ଗଠିତ କୁସୁମଗୁଡ଼ା ଓ ସିର୍ଲିଗୁଡ଼ା ଗ୍ରାମ ବନ ସୁରକ୍ଷା ସମିତି ଏବଂ ସ୍ଥାନୀୟ ବିଜେପି ଓ ବିଜେଡ଼ି ନେତାଙ୍କ ଦ୍ଵାରା ଗୋରୁ ଖୁଆଇ ନଷ୍ଟ କରିଦିଆଗଲା ଓ କିଛି ବାସଗୃହକୁ ମଧ୍ୟ ନିଆଁ ଜାଳି ଦିଆଯାଇ ଥିଲା । ଯେଉଁଥିରେ କି ଧାନ, ବହି, ବିଛଣା , ଖଟ, ଛତା , ଚାଉଳ , ଆସବାବ ପତ୍ର ଓ ପାଣି ହାଣ୍ଡି ସବୁ ଜଳି ପଡ଼ି ନଷ୍ଟ ହୋଇଜାଇଛି।ଏହି ଘଟଣା ଘଟିବା ମାସେ ପୂର୍ବରୁ ବିଜେପି ଓ ବିଜେଡ଼ି ନେତା ଓ ଉକ୍ତ vss କମିଟି ପକ୍ଷରୁ ଏହି ଭଳି ଘଟଣା ଘଟାଇବା ନିମନ୍ତେ କପସାଭଟା ଗ୍ରାମବାସୀଙ୍କୁ ଧମକ ଦେଇଥିଲେ ଏବଂ ଉକ୍ତ ଧମକ ପରେ କପସାଭଟା ଗ୍ରାମବାସୀ ନିଜ ଫସଲର ସୁରକ୍ଷା ଓ ନିଜ ସୁରକ୍ଷା ନିମନ୍ତେ ଉମରକୋଟ ଥାନା ଅଧିକାରୀଙ୍କୁ ଲିଖିତ ଅଭିଯୋଗ ଦେଇଥିଲେ । ଥାନା ଅଧିକାରୀ ମଧ୍ୟ ଉଭୟ ପକ୍ଷକୁ ଥାନାକୁ ଡ଼କାଇ କୌଣସି ପ୍ରକାର ହିଂସା ବା ଗଣ୍ଡଗୋଳ ନକରିବା ସହ କେହି ମଧ୍ୟ କାହାର ଫସଲ ନଷ୍ଟ କରିବ ନାହିଁ ବୋଲି କହି ତାଗିଦ୍ କରି ଛାଡ଼ିଥିଲେ । ଉଭୟ ପକ୍ଷ ଥାନା ଅଧିକାରୀଙ୍କ କଥା ମାନିବୁ କହି ଚାଲି ଯାଇଥିଲେ । କିନ୍ତୁ ଗତକାଲି ହଠାତ୍ କୁସୁମଗୁଡ଼ା ଓ ସିର୍ଲିଗୁଡ଼ା ବନସୁରକ୍ଷା ସମିତି ଏବଂ ସ୍ଥାନୀୟ ବିଜେପି ଓ ବିଜେଡ଼ି ନେତାଙ୍କ ନେତୃତ୍ୱରେ ଉଭୟ ଗ୍ରାମର ପ୍ରାୟ ୨୦୦ରୁ୩୦୦ ଜଣ ମହିଳା ପୁରୁଷ ହାତରେ ଟାଙ୍ଗିଆ , ଠେଙ୍ଗା ଧରି ଶହ ଶହ ଗୋରୁ ଆଣି ପ୍ରାୟ ୩୦ ଏକର ମକ୍କା ଫସଲକୁ ନଷ୍ଟ କରିଥିଲେ ଓ ଗ୍ରାମ ଚାରିପାଖ ଘେରାଉ କରି ଜଗିଥିଲେ । ଯିଏ ଘରୁ ବାହାରକୁ ଆସିବ ତାକୁ ଜୀବନରେ ମାରିଦେବୁ କହି ଗାଁ ଚାରିପାଖ ଘେରି ରହିଥିଲେ। ଏହିଭଳି ଘଟଣା ପ୍ରାୟ ୧୦:୩୦ ଘଣ୍ଟା ଠାରୁ ୧୨:୩୦ ଘଣ୍ଟା ଯାଏ ଚାଲିଥିଲା , ଗ୍ରାମବାସୀଙ୍କ ପକ୍ଷରୁ ୧୦୧ ନମ୍ବରକୁ ଫୋନ୍ କରା ଯିବାରୁ ଉମରକୋଟ ପୋଲିସ ଏବଂ ମିଡ଼ିଆ କର୍ମୀ ଆସି ଗାଁ କୁ ପହଞ୍ଚିଥିଲେ । ବର୍ତ୍ତମାନ ଉକ୍ତ କପସାଭଟା ଗ୍ରାମବାସୀ ବହୁତ ଭୟଭିତ ଅବସ୍ଥାରେ ରହି ଅଛନ୍ତି ଏହି ଗ୍ରାମର ଫସଲ ନଷ୍ଟ କରିବା ପରେ ଉକ୍ତ କମିଟି ନିକଟସ୍ଥ ଗ୍ରାମ ସେମିଲିଗଡରା ଓ ସରିଆଭଟା ଗ୍ରାମର ମକ୍କା ଫସଲ ନଷ୍ଟ କରିବା ନିମନ୍ତେ ଚାଲିଗଲେ ବୋଲି ନିମ୍ନ ଲିଖିତ ଗ୍ରାମବାସୀଙ୍କ ଦ୍ଵାରା ଜାଣିବାକୁ ପାଇ ପୁଲିସକୁ ସୁଚନା ଦେଇଥିଲେ। ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ସଙ୍ଘର୍ଷ ନିୟୁଜ।
