Get real time updates directly on you device, subscribe now.
ନୟାଗଡ(ସଂଘର୍ଷ ମିଡିଆ ) : – ନୟାଗଡ ଜିଲ୍ଲା ନୂଆଗାଁ ସଦରମହକୁମା ଠାରେ ପ୍ରେସ୍ କ୍ଲବ କାର୍ଯ୍ୟାଳୟ ଉଦଘାଟିତ ହୋଇଯାଇଛି। ସାମ୍ବାଦିକମାନଙ୍କ ମଧ୍ୟରେ ଏକତା ମନୋଭାବ ରଖି ନୂଆଗାଁ ବ୍ଲକର ଜନସାଧାରଣଙ୍କ ପାଖରେ ପହଂଚି ସେମାନଙ୍କର ପ୍ରତିଟି ସମସ୍ୟାକୁ ଲୋକ ଲୋଚନକୁ ଆଣିବା ଦିଗରେ ସମସ୍ତେ ଦୃଷ୍ଟି ଦେବା ସହ ସାମ୍ବାଦିକ ମାନେ ଦିନରାତି ଲୋକମାନଙ୍କ ସମସ୍ୟା ସହ ସବୁ ସମୟରେ ଜଡିତ ହୋଇ ରହିବା ସହ ଦୁର୍ନୀତି ଗ୍ରସ୍ତ ଅଧିକାରୀଙ୍କର କଳାକାରନାମା ଫର୍ଦ୍ଧାଫାସ କରିବାରେ ଯେଉଁ ଭୂମିକା ଗ୍ରହଣ କରିଥାନ୍ତି ତାହା ଅତୁଳନୀୟ ବୋଲି ଉପସ୍ଥିତ ଅତିଥିମାନେ ମତପ୍ରକାଶ କରି କହିଥିଲେ। ଆଜିର ଏହି କାର୍ଯ୍ୟକ୍ରମରେ ନୂଆଗାଁ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଶଙ୍କର୍ଷଣ ବେହେରା, ଉପାଧ୍ୟକ୍ଷ ପର୍ଶୁରାମ ସ୍ବାଇଁ, ନୂଆଗାଁ ଡିଗ୍ରୀ କଲେଜ ସମ୍ପାଦକ ରମେଶ ଚନ୍ଦ୍ର ପ୍ରଧାନ, ସମାଜସେବୀ ଦାମୋଦର ସାହୁ, ମହିପୁର ସରପଂଚ ତ୍ରିନାଥ ବେହେରା, ହରିପୁର ସମିତିସଭ୍ୟ ପ୍ରତାପ କୁମାର ମହାପାତ୍ର, ସୋରଡା ସମିତିସଭ୍ୟ ସୁଶାନ୍ତ କୁମାର ସାହୁ, ନୟାଗଡ ଜିଲ୍ଲା ସାମ୍ବାଦିକ ଜୟେନ୍ଦ୍ର ବେହେରାଙ୍କ ସମେତ ନୂଆଗାଁ ବ୍ଲକର ସାମ୍ବାଦିକ ଧନେଶ୍ବର ସାହୁ, ବିଶ୍ବଜିତ ଖଣ୍ତୁଆଳ, ନିରଞ୍ଜନ ସାହୁ, ପ୍ରଦୀପ କୁମାର ସାହୁ, ରଞ୍ଜନ କୁମାର ନାୟକ, ଗୋଲଖ ବିହାରୀ ଗୋଚ୍ଛାୟତ, ରବିନ୍ଦ୍ର କୁମାର ସାହୁ, ଭବାନୀ ପ୍ରସାଦ ଦେଓ, ଦିବ୍ୟରଞ୍ଜନ ନାୟକ, ବିରଂଚି ନାରାୟଣ ବେହେରା, ସନ୍ତୋଷୀ ନାୟକ ପ୍ରମୁଖ ଉପସ୍ଥିତ ଥିଲେ। ଏଥିସହିତ ବହୁ ପ୍ରଶାସନିକ ଅଧିକାରୀମାନେ କାର୍ଯ୍ୟକ୍ରମରେ ଯୋଗଦେଇ ସାମ୍ବାଦିକମାନଙ୍କୁ ଉତ୍ସାହିତ କରିଥିଲେ। ପରିଶେଷରେ ଏହି ଉଦଘାଟନୀ କାର୍ଯ୍ୟକ୍ରମକୁ ସରସ ସୁନ୍ଦର କରିବା ପାଇଁ ନୂଆଗାଁ ପ୍ରେସ୍ କ୍ଲବ ପକ୍ଷରୁ ଅସହାୟ ବୃଦ୍ଧବୃଦ୍ଧା ମାନଙ୍କୁ ବସ୍ତ୍ରଦାନ ସହ ସଙ୍ଗୀତ କାର୍ଯ୍ୟକ୍ରମ ଆୟୋଜନ କରାଯାଇଥିଲା। ନୟାଗଡ ନୂଆଗାଁ ରୁ ରବୀନ୍ଦ୍ର କୁମାର ସାହୁଙ୍କ ରିପୋର୍ଟ ସଂଘର୍ଷ ନିୟୁଜ।
