Get real time updates directly on you device, subscribe now.
କେନ୍ଦ୍ରାପଡ଼ା(ସଂଘର୍ଷ ମିଡିଆ) -: ଦେଶ ସ୍ୱାଧୀନତାର 75ବର୍ଷ ପୂର୍ତ୍ତି ଅବସରରେ କେନ୍ଦ୍ରାପଡ଼ା ପୌରସଂସ୍ଥା 13 ନମ୍ବର ୱାର୍ଡ କାଉଁସିଲର ସେକ ଅସଲମ ନେତୃତ୍ୱରେ ମୁଖ୍ୟ ଅତିଥି ପୌରସଂସ୍ଥା ଅଧକ୍ଷା ସରିତା ସାହୁ ଉପସ୍ଥିତିରେ ଏକ ବିଶାଳ 220ଫୁଟ ତୀରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏହି ଶୋଭାଯାତ୍ରା ପୌରସଂସ୍ଥା 13ନମ୍ବର ୱାର୍ଡ ରଣପଡାରୁ ବାହାରି ପୁରୁଣା ମୋଟରଷ୍ଟାଣ୍ଡ, ବଡ଼ହାଟ, ନୂଆମୋଟର ଷ୍ଟାଣ୍ଡ ଦେଇ ପୁନର୍ବାର ରଣପଡା ଠାରେ ପହଞ୍ଚି ଅଭିଯାନ ଶେଷ କରାଯାଇଥିଲା । ଏହି ଐତିହାସିକ ତୀରଙ୍ଗା ଯାତ୍ରାରେ ସେକ ଶୌକତ ଆଥଲେଟିକ ଏକାଡେମୀର କୁନି କୁନି ପିଲାମାନେ ବର୍ଷା ଝଡକୁ ଖାତିର ନକରି ତୀରଙ୍ଗା ଧରି ରାସ୍ତାରେ ଭାରତ ମାତାକି ଜୟ ଓ ଜାତୀୟ ପତାକାକି ଜୟ ନାର ଦେଇ ଚାଲିଥିଲେ. ଯାହାକୁ ଦେଖି ବୁଦ୍ଧିଜୀବୀ ମାନେ ପ୍ରଶଂସା କରିଥିବାର ଦେଖିବାକୁ ମିଳିଥିଲା । ଏହି ତୀରଙ୍ଗା ଯାତ୍ରାରେ ପାଞ୍ଚ ନମ୍ବର ୱାର୍ଡ କାଉଁସିଲର ନିରାକାର ସାହୁ, ଦଶ ନମ୍ବର ୱାର୍ଡ କାଉଁସିଲର ରଶ୍ମିତା ସିଂହ ଓ ଅନ୍ୟ ସାଥିମାନେ ଶୋଭା ଯାତ୍ରାରେ ସାମିଲ ହୋଇଥିଲେ ।
