Get real time updates directly on you device, subscribe now.
ବୌଦ୍ଧ(ସଂଘର୍ଷ ମିଡିଆ) : ବୌଦ୍ଧ ଜିଲ୍ଲାକଣ୍ଟାମାଳ ବ୍ଲକ ମନମୁଣ୍ଡା ଥାନା ଦେଉଳି ଗ୍ରାମରୁ ଚୋରି ହୋଇଥିବା ବାଇକ୍ ଓ ମୋବାଇଲ୍ ମନ ମୁଣ୍ଡା ପୋଲିସ ଉଦ୍ଧାର କରିଛି।ନୂତନ ଏସ ପି ପ୍ରହଲ୍ଲାଦ ସହାଇ ମିନା ଙ୍କ ନିର୍ଦ୍ଧେଶ କ୍ରମେ ଏସ ଡି ପି ଓ ଆନନ୍ଦ ବର୍ଦ୍ଧନ ଗୁରୁ ଓ ମନ ମୁଣ୍ଡା ଥାନା ଆଇଆଇସି ଗୋପୀନାଥ ପ୍ରଧାନ ତନା ଘନା ଚଳାଇଥିବା ବେଳେ ଏସ ଆଇ ପ୍ରାଣବନ୍ଧୁ ସାହୁ ଓ ପବିତ୍ର ସାହୁ ଙ୍କ ତତ୍ତ୍ୱାବଧାନରେ ରେ ଦୁଇଟି ଟିମ ଗଠନ କରି ବିଭିନ୍ନ ସ୍ଥାନରେ ଚଢାଉ ଜାରି ରଖିଥିଲେ।ଏଥିରେ ସଂପୃକ୍ତ ୪ ଅଭିଯୁକ୍ତ ଙ୍କୁ ପୋଲିସ ଗିରଫ କରିଥିବା ବେଳେ ଜଣେ ନାବାଳକକୁ ଅଟକ ରଖିଛି।ସୂଚନା ମତେ ଗତ ୨୩ ତାରିଖ ରାତିରେ ଦେଉଳି ଗ୍ରାମର ସାହୁ କଲୋନିରୁ ଅଭିମନ୍ୟୁ ବଗର୍ତ୍ତି ଓ ବିଜୟ ଆଚାର୍ଯ୍ୟଙ୍କ ବାଇକ୍ ଚୋରି ହୋଇଥିଲା।ସେହି ଦିନ ରାତିରେ ଉକ୍ତ ଗ୍ରାମର ୱେଲେଣ୍ଡିଂ ଦୋକାନରେ କାର୍ଯ୍ୟରତ ଶ୍ରମିକ ଦଇତାରୀ ଶଙ୍ଖୁଆ ଓ ଅନ୍ୟ ୩ ଜଣ ଶ୍ରମିକ ସୋଇଥିବା ବେଳେ ୪ ଟି ମୋବାଇଲ୍ ଚୋରି ହୋଇଥିଲା।ଏନେଇ ଅଭିଯୋଗ ହେଲାପରେ ପୋଲିସ 141/22 ,142/22 ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।ପୋଲିସ ଆଜି ବିଭିନ୍ନ ସ୍ଥାନରେ ଚଢାଉ କରି ଚୋରି ଦୁଇଟି ବାଇକ୍ ଓ ୩ ଟି ମୋବାଇଲ ଉଦ୍ଧାର କରିଥିଲା।ଏହି ଚୋରି ଘଟଣାରେ ଦେଉଳି ର ସୋନୁ ମାଝୀ, ନୂର୍ପା ଗ୍ରାମର ସମ୍ବାରୁ ମହାମଲ୍ଲିକ, ସଂଜିତ୍ ବେହେରା ଓରଫ ପିଣ୍ଟୁ, ଦହ୍ୟା ଗ୍ରାମର ର ଆଲୋକ ସାହୁଙ୍କୁ ଗିରଫ କରିଥିବା ବେଳେ ଦେଉଳି ଗ୍ରାମର ଜଣେ ନାବାଳକକୁ ଅଟକ ରଖିଛି।ଆଲୋକ ଅଭିଯୁକ୍ତଙ୍କ ଠାରୁ ବାଇକ୍ ଓ ସ୍ମାର୍ଟ ଫୋନ କ୍ରୟ କରିଥିଲା।ଚାରି ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଥିବା ବେଳେ ଜଣେ ନାବାଳକକୁ ଯୁଭେନାଇଲ କୋର୍ଟ ରେ ହାଜର କରାଯିବ ବୋଲି ଜଣାପଡିଛି।ବୌଦ୍ଧରୁ ଉଗ୍ରସେନ କର୍ମୀଙ୍କ ରିପୋର୍ଟ ସଂଘର୍ଷ ନ୍ୟୁଜ l
