ତହସିଲ୍ କାର୍ଯ୍ୟାଳୟରେ ଜାତିଗତ ପ୍ରମାଣପତ୍ର ପାଇଁ ଚାଳିଶ ହଜାର ଟଙ୍କା ଠକେଇ, ଥାନାରେ ଏତଲା

21

Get real time updates directly on you device, subscribe now.

ବାଲିଗୁଡ଼ା ( ସଂଘର୍ଷ ମିଡିଆ ) : କନ୍ଧମାଳ ଜିଲ୍ଲା ବାଲିଗୁଡ଼ା ଉପଖଣ୍ଡ ନୂଆଗାଁ ବ୍ଲକ ଗୁଞ୍ଜିବାଡ଼ି ପଞ୍ଚାୟତ ନୂଆସାହି ଗ୍ରାମର ଅଧିବାସୀ ଏଭିନନ୍ଦନ ପ୍ରଧାନ ଝିଅ ଅନୁସୟl ପ୍ରଧାନକୁ ରାଇକିଆ ବ୍ଲକ ବରେଡ଼lକିଆ ସେବାଶ୍ରମରେ ନାମ ଲେଖାଇବା ପାଇଁ ଜାତିଗତ ପ୍ରମାଣପତ୍ର ଆବଶ୍ୟକ ପଡୁଥିବା ଯୋଗୁ ସେ ଆବଶ୍ୟକ ଜମି ପଟl ଜନ ସେବା କେନ୍ଦ୍ର ଜରିଆରେ ନୂଆଗାଁ ତହସିଲ କାର୍ଯ୍ଯାଳୟ ପ୍ରଦାନ କରିଥିଲେ l ଏହାପରେ ଗୁଞ୍ଜିବାଡ଼ି ଆର୍ ଆଇ ଆବଶ୍ୟକ କାଗଜ ପତ୍ର ନଥିବା ଦର୍ଶାଇ ଜାତିଗତ ପ୍ରମାଣପତ୍ର ଅଭିନନ୍ଦନ ପ୍ରଧାନକୁ ଦେଇନଥିଲେ l ପୂର୍ବରୁ ଏହି କାଗଜ ପତ୍ରରେ ଜାତି ଗତ ପ୍ରମାଣ ପତ୍ର ମିଳୁଥିବା କହି ଥିଲେବି ଆର ଆଇ ଶୁଣି ନ ଥିଲେ l ଏହା ପରେ ଏକ ଦଲାଲ୍ ସୁଶାନ୍ତ ଦିଗାଲ ତହସିଲ୍ କାର୍ଯ୍ୟାଳୟରେ ମୋର ଚିହ୍ନl ଅଛି ଟଙ୍କା ଖର୍ଚ୍ଚ କଲେ ଜାତିଗତ ପ୍ରମାଣପତ୍ର ମିଳିବ ତାହା ପରେ ତୁମ ଝିଅକୁ ହଷ୍ଟେଲ୍ରେ ପଢାଇ ପାରିବ କହି ସମୁଦାୟ ୪୦ ହଜାର ଟଙ୍କା ମାଗି ନେଇଥିଲେ l କିନ୍ତୁ ପରବର୍ତ୍ତୀ ସମୟରେ ଦଲାଲ୍ ଜଣଙ୍କ ଜାତି ଗତ ପ୍ରମାଣ ପତ୍ର ଦେଇ ନଥିଲେ କିମ୍ବା ଚାଳିଶ ହଜାର ଟଙ୍କା ଫେରେଇ ନଥିଲେ l ଏଭଳି ଠକାମୀର ଶିକାର ହୋଇଥିବା ନେଇ ନୂଆଗାଁ ଥାନାରେ ଏଭି ନନ୍ଦନ ପ୍ରଧାନ ଲିଖିତ ଅଭିଯୋଗ କରିଛନ୍ତି l ବର୍ତ୍ତମାନ ଝିଅ ରାଇକିଆ ଚୂନୁ କୁଲି ସାହିରେ ଥିବା ସମ୍ପର୍କୀୟ ଘରେ ରହି ବରେଡ଼lକିଆ ଆଶ୍ରମ ସ୍କୁଲରେ ଦ୍ଵିତୀୟ ଶ୍ରେଣୀ ପଢୁ ଅଛି l ତହସିଲ ପକ୍ଷରୁ ଜାତିଗତ ପ୍ରମାଣପତ୍ର ପ୍ରଦାନ କରାଗଲେ ବରେଡ଼lକିଆ ସେବାଶ୍ରମରେ ରହି ସରକାରଙ୍କ ସମସ୍ତ ସହାୟତା ପାଇ ପଢ଼ିପାରିବ l ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଶିଶୁଟିର ଶିକ୍ଷାଦାନ ପାଇଁ ଆବଶ୍ୟକ ଜାତିଗତ ପ୍ରମାଣପତ୍ର ଦେବା ନିମନ୍ତେ ଗ୍ରାମବାସୀ ଦାବି କରିଛନ୍ତି l

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More