Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ ) :-ସରକାରଙ୍କ ନିର୍ଦ୍ଦେଶକ୍ରମେ ଡାବୁଗାଁ ନୁଆ ବସଷ୍ଟାଣ୍ଡ ଠାରେ ସ୍ମାର୍ଟ ବସଷ୍ଠାଣ୍ଡ ନିର୍ମାଣ ହେବ | ଏଥି ନିମନ୍ତେ ପ୍ରଶାସନ ତରଫରୁ ଚୂଡ଼ାନ୍ତ ପ୍ରସ୍ତୁତି ହୋଇଛି । ଆସନ୍ତା ମେ ’ ୧୮ ତାରିଖରେ ସ୍ମାର୍ଟ ବସଷ୍ଠାଣ୍ଡ ପରିସରରେ ଥିବା ଜବରଦଖଲକାରୀଙ୍କୁ ଉଚ୍ଛେଦ କରାଯିବ ଡାବୁଗାଁ ତହସିଲଦାରଙ୍କ କାର୍ଯ୍ୟାଳୟର ଚିଠି ନଂ – ୭୨୨ ଓ ୯୧୮ ଅନୁଯାୟୀ ଦୁଇଟି ପର୍ଯ୍ୟାୟରେ ଜବରଦଖଲକାରୀଙ୍କୁ ଜବରଦଖଲ ସ୍ଥାନ ଖାଲି କରିବା ପାଇଁ ଗତ ଏପ୍ରିଲ ୧୪ ତାରିଖ ଓ ମେ ’ ୬ ତାରିଖରେ ନୋଟିସ୍ ଜାରି କରାଯାଇଛି । ୨୩ ଜଣ ସରକାରୀ ଜମି ଜବରଦଖଲକାରୀଙ୍କୁ ଆସନ୍ତା ମେ ୧୭ ତାରିଖ ସୁଦ୍ଧା ଜାଗା ଖାଲି କରିବାକୁ ନୋଟିସ୍ ଦିଆଯାଇଛି । ଜବରଦଖଲ ଉଚ୍ଛେଦ ଖାଦ୍ୟଶସ୍ୟ , ଗୃହପାଳିତ ସମୟରେ ପଶୁପକ୍ଷୀ , ଅନ୍ୟାନ୍ୟ ଆସବାବପତ୍ର ନ ରଖିବା ସହ ଉଚ୍ଛେଦ ସ୍ଥାନରେ କେହି ନ ରହିବାକୁ ନିର୍ଦ୍ଦେଶ ଦିଆଯାଇଛି । ପ୍ରକାଶ ଥାଉକି , ଡାବୁଗାଁର ମଧ୍ୟ ସ୍ଥଳରେ ଥିବା ନୁଆ ବସ୍ ଷ୍ଟାଣ୍ଡକୁ ସ୍ମାର୍ଟ ବସ୍ ଷ୍ଟାଣ୍ଡ କରିବା ପାଇଁ ପୂର୍ବରୁ ଜମି ଚିହ୍ନଟ ହୋଇଥିଲା । କିନ୍ତୁ କିଛି ଲୋକ ଏହି ସରକାରୀ ଜମିକୁ ଜବରଦଖଲ କରିଥିବା ବେଳେ ସ୍ମାର୍ଟ ବସ୍ଷ୍ଟାଣ୍ଡ ନିର୍ମାଣ କାର୍ଯ୍ୟରେ ବାଧା ସୃଷ୍ଟି ହୋଇ ଆସୁଥିଲା । ଏହି ସ୍ଥାନରୁ ଅନ୍ୟତ୍ର ସ୍ମାର୍ଟ ବସ୍ଷ୍ଟାଣ୍ଡ ସ୍ଥାନାନ୍ତର କରିବା ପାଇଁ ଯୋଜନା ହେଉଥିଲା । କିନ୍ତୁ ଡାବୁଗାଁବାସୀ ଏନେଇ ଖବର ଜାଣିବାପରେ ପୂର୍ବ ନିର୍ଦ୍ଧାରିତ ସ୍ଥାନରେ ହିଁ ସ୍ମାର୍ଟ ବସ୍ଷ୍ଟାଣ୍ଡ କରିବାକୁ ୫୦୦ ଲୋକଙ୍କ ଦସ୍ତଖତ ସମ୍ବଳିତ ଏକ ଦାବିପତ୍ର ଗତ ଏପ୍ରିଲ ୩୦ତାରିଖରେ ଡାବୁଗାଁ ତହସିଲଦାର ସନ୍ଧ୍ୟା ସମରଥଙ୍କୁ ପ୍ରଦାନ କରାଯାଇଥିଲା । ଯଦି ସ୍ମାର୍ଟ ବସ୍ଷ୍ଟାଣ୍ଡ କୁ ଅନ୍ୟତ୍ର ସ୍ଥାନାନ୍ତର କରାଯାଏ, ତେବେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରାଯିବ ବୋଲି ଦାବିପତ୍ରରେ ଉଲ୍ଲେଖ ରହିଥିଲା । ଡାବୁଗାଁରେ ସ୍ମାର୍ଟ ବସ୍ଷ୍ଟାଣ୍ଡ ନିର୍ମାଣ ନିମନ୍ତେ ୧ ଏକର ୧୨ ସେଣ୍ଟ ଜମିର ଆବଶ୍ୟକତା ରହିଛି । ଡାବୁଗାଁ ରାଜସ୍ବ ବିଭାଗ ତରଫରୁ ନୁଆ ବସ୍ଷ୍ଟାଣ୍ଡ ରେ ଆବଶ୍ୟକୀୟ ଜମି ଦେବା ନିମନ୍ତେ ପୂର୍ବରୁ ପ୍ରକ୍ରିୟା ଜାରି ରହିଥିବା ବେଳେ ଏହି ସ୍ଥାନରେ ସରକାରୀ ଜମିକୁ କିଛି ଲୋକ କୋଠାବାଡ଼ି କରି ଜବରଦଖଲ କରି ରଖିଛନ୍ତି । ପୂର୍ବରୁ ନୁଆ ବସ୍ଷ୍ଟାଣ୍ଡ ର ଖାତା ନଂ – ୪୬୪ ଏବଂ ପ୍ଲଟ୍ ନଂ – ୧୧୩୫ରେ ଜମି ଅଧିଗ୍ରହଣ ପାଇଁ ସ୍ଥାନ ଚିହ୍ନଟ ପ୍ରକ୍ରିୟା ସରି ଯାଇଛି । ରାଜସ୍ବ ବିଭାଗ ତରଫରୁ ଗତ ମାର୍ଚ୍ଚ ୩୦ ଓ ଏପ୍ରିଲ ୨ତାରିଖରେ ୨୩ ଜଣ ସରକାରୀ ଜମି ଜବରଦଖଲକାରୀଙ୍କୁ ତହସିଲଦାରଙ୍କ ନିକଟରେ ହାଜିର ନିମନ୍ତେ ନୋଟିସ ଜାରି କରାଯାଇଥିଲା । ଜମି ଖାଲି କରାଯିବା ପରେ ପୁଲିସ ହାଉସିଂ ବୋର୍ଡ ତରଫରୁ ନୂତନ ସ୍ମାର୍ଟ ବସ୍ଷ୍ଟାଣ୍ଡ ନିର୍ମାଣ କାର୍ଯ୍ୟ ଆରମ୍ଭ ହେବ ବୋଲି ଜଣା ପଡ଼ିଛି। ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ସଂଘର୍ଷ ନିୟୁଜ।
