Get real time updates directly on you device, subscribe now.
ଜଗତସିଂହପୁର(ସଂଘର୍ଷ ମିଡିଆ ) :- ଜଗତସିଂହପୁର ସଦର ଥାନା ଅଧିନସ୍ଥ ଜୟବଡ଼ ଗ୍ରାମ ରେ ଯୁକ୍ତ ତିନି ବର୍ଷର ଛାତ୍ର ଆତ୍ମହତ୍ୟା କାରିଥିବା ଖବର ସାମ୍ନାକୁ ଆସିଛି । ଛାତ୍ରର ଆତ୍ମହତ୍ୟା ନେଇ ଜୟବଡ଼ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି। ସୂଚନା ଅନୁସାରେ ଜୟବଡ଼ ଜଗନ୍ନାଥ ମନ୍ଦିରରେ ପୂଜକ ଭାବେ କାର୍ଯ୍ୟ କରୁଥିବା ଅରବିନ୍ଦ ଦାଶଙ୍କ ଏକମାତ୍ର କଲେଜ ପଢୁଆ ପୁଅ ଆଦିତ୍ୟ ଦାଶ, ସ୍ଥାନୀୟ ଏସଭିଏମ୍ କଲେଜରେ +୩ ରେ ପାଠ ପଢୁଥିଲେ। ଅନେକ ସମୟରେ ଚୁପଚାପ ରହିବା ସହ ମୋବାଇଲ ଗେମରେ ନିଜର ସମୟ ବିତାଉଥିବା ବେଳେ ଆଜି ହଠାତ ନିଜ ଶୋଇବା ଘରେ ରଶି ଲଗାଇ ଆତ୍ମହତ୍ୟା କରିଥିବା ପରିବାର ଲୋକ କହିଛନ୍ତି। ତେବେ ଆତ୍ମହତ୍ୟାର କାରଣ ଏବେବି ଅସ୍ପଷ୍ଟ ଥିବାବେଳେ ମୋବାଇଲ ଏବଂ ସାଙ୍ଗସାଥିମାନେ ଆତ୍ମହତ୍ୟାର କାରଣ ବୋଲି କହିଛନ୍ତି ମୃତ ଆଦିତ୍ୟର ମାଆ। ତେବେ ଘଟଣା ସ୍ଥଳରେ ଜଗତସିଂହପୁର ସଦର ପୋଲିସ ପହଞ୍ଚି ଶବକୁ ଜବତ କରିବା ସହ ତଦନ୍ତ ଆରମ୍ଭ କରିଛି। ପରିବାରର ଏକମାତ୍ର ପୁଅ ହୋଇଥିବାରୁ ପରିବାର ଲୋକେ ଭାଙ୍ଗି ପଡିଛନ୍ତି। ଜଗତସିଂହପୁରରୁ ଦୁର୍ଯ୍ୟୋଧନ ମହାରଣାଙ୍କ ରିପୋର୍ଟ ସଂଘର୍ଷ ନିଉଜ୍।
