Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ) : – ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ଅଧୀନ ଜିଲ୍ଲା ଅନୁସୂଚିତ ଜାତି ଓ ଜନଜାତି ବିଭାଗ ଦ୍ଵାରା ପରିଚାଳିତ ଡାବୁଗାଁ ସରକାରୀ ବାଳିକା ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀମାନେ ଜିଲାସ୍ତରୀୟ ସର୍ଗିଫୁଲ ପ୍ରତିଯୋଗିତାରେ ଭାଗ ନେଇ ପୁରସ୍କୃତ ହୋଇ ପ୍ରଶଂସିତ ହୋଇଛନ୍ତି | ବରିଷ୍ଠ ବିଭାଗରେ ତର୍କରେ ଅମିତା ଭତ୍ରା (୧ମ) କୁଇଜରେ ହେମତା ଗଣ୍ଡ (୧ୟ), ଏକକ ନୃତ୍ୟରେ ଶିଖାରାଣି ହରିଜନ(୧ମ) ଓ କଲ୍ପନା ଗଣ୍ଡ (୩ୟ), ଚିତ୍ରାଙ୍କନରେ ସସ୍ମିତା ଧୁରୁଆ (୩ୟ), ବକୃତାରେ ସୁଶୀଳା ମାଝି (୨ୟ), ଦଳଗତ ନୃତ୍ୟରେ (୧ମ), ଭଲିବଲରେ (୧ମ), | ସେହିପରି କନିଷ୍ଠ ବର୍ଗରେ ତର୍କରେ ବିଜୁଳି ମାଝି (୧ମ) , କୁଇଜରେ ରଶ୍ମିତା ପୂଜାରୀ ଓ ଦେବକୀ ଗଣ୍ଡ (୨ୟ) ଓ ଭଲିବଲରେ (୨ୟ) ସ୍ଥାନ ଅଧିକାର କରିଥିଲେ | ଏମାନଙ୍କ ମଧ୍ୟରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରୀ ମାନେ ରାଜ୍ୟ ସ୍ତରୀୟ ସର୍ଗିଫୁଲ ପ୍ରତିଯୋଗିତାରେ ଭାଗନେବେ | ଛାତ୍ରୀ ମାନଙ୍କ ସଫଳତାରେ ସମସ୍ତ ଶିକ୍ଷକ,ଶିକ୍ଷୟତ୍ରୀ, ଅଭିଭାବକ ଓ ବିଦ୍ୟାଳୟର ପରିଚାଳନା କମିଟି ସଭ୍ୟମାନଙ୍କ ସହ ଜିଲ୍ଲା ମଙ୍ଗଳ ଅଧିକାରୀ ପାଲକା ରବୀନ୍ଦ୍ର, ବ୍ଲକ ମଙ୍ଗଳ ସଂମ୍ପ୍ରସାରଣ ଅଧିକାରୀ ଆଦିତ୍ୟ ନାରାୟଣ ରଥ ଓ ପ୍ରଧାନ ଶିକ୍ଷୟତ୍ରୀ ଆରତୀ ବିଶୋୟୀ ଛାତ୍ରୀ ମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ଉତ୍ତୋରତ୍ତର ଉନ୍ନତି କାମନା କରିଛନ୍ତି |ଏପରି ୨୮ଜଣ ଛାତ୍ରୀ ଉକ୍ତ ବିଦ୍ୟାଳୟ ରୁ ପୁରସ୍କୃତ ହୋଇ ବିଦ୍ୟାଳୟର ଟେକ ନବରଙ୍ଗପୁର ଜିଲ୍ଲାରେ ରଖିଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ସଂଘର୍ଷ ନିଉଜ୍ l
