Get real time updates directly on you device, subscribe now.
ଜଗତସିଂହପୁର(ସଂଘର୍ଷ ମିଡିଆ ) : r- ଜଗତସିଂହପୁର ପୋୖରାଞ୍ଚଳର ବଡବଜାର ନିକଟ ନାୟକ ସାହିରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଯାଇଛି । ସୂଚନାଅନୁସାରେ କସୁର ଅଲି ନାମକ ଜଣେ ବ୍ୟକ୍ତିଙ୍କ ପାଞ୍ଚ ବଖରା ବିଶିଷ୍ଟ ଘର ବିଦ୍ୟୁତ ସଟ ସର୍କିଟ ଯୋଗୁ ଏହି ନିଆଁ ଲାଗିଥିବା ଜଣାପଡିଛି । ତେବେ ଏହି ଘରେ ଦୁଇଟି ପରିବାର ଭଡା ରହୁଥିବା ଜଣାପଡିଛି । ଏହି ଅଗ୍ନିକାଣ୍ଡ ଯୋଗୁ ସେହି ଘରେ ଭଡା ରହୁଥିବା ରଫିକ ମହମଦ ଓ ଶେଖ ଶହୀଦ ଉଲଙ୍କ ଘରର ସମସ୍ତ ଆସବାବପତ୍ର ଓ ନଗଦ ୩୦ ହଜାର ଟଙ୍କା ପୋଡି ପାଉଁଶ ହୋଇଯାଇଛି । ଅଗ୍ନିକାଣ୍ଡରେ ସର୍ବସ୍ୱ ପୋଡି ସର୍ବସାନ୍ତ ହୋଇଥିବା ପରିବାର ଲୋକେ ବର୍ତ୍ତମାନ ଲଘୁଚାପ ବର୍ଷାରେ ବାହାରେ ପଡିରହିଛନ୍ତି । ପୌର ପ୍ରଶାସନ ପକ୍ଷରୁ ଏ ପର୍ଯ୍ୟନ୍ତ କୌଣସି ସାହାର୍ଯ୍ୟ ଏ ପର୍ଯ୍ୟନ୍ତ ଅଗ୍ନି ବିପନ୍ନଙ୍କ ପାଖରେ ପହଞ୍ଚି ନ ଥିବା ସୂଚନା ମିଳିଛି ।ତେଣୁ ତୁରନ୍ତ ଉକ୍ତ ଦୁଇ ପରିବାର ଙ୍କୁ ସହାୟତା ଯୋଗାଇଦେବାକୁ ସାଧାରଣରେ ଦାବୀ ହୋଇଛି।ଜଗତସିଂହପୁର ରୁ ଦୁର୍ଯ୍ୟୋଧନ ମହାରଣାଙ୍କ ରିପୋର୍ଟ ସଙ୍ଘର୍ଷ ନିଉଜ୍।
