Get real time updates directly on you device, subscribe now.
ଜଗତସିଂହପୁର(ସଂଘର୍ଷ ମିଡିଆ ) : – ଜଗତସିଂହପୁର ଜିଲ୍ଲା ନାଉଗାଁ ବ୍ଲକରେ ଥିବା ସବୁ ସରକାରୀ କାର୍ଯ୍ୟାଳୟ, ସରକାରୀ ଶିକ୍ଷାନୁଷ୍ଠାନ ସମେତ ବେସରକାରୀ ଅନୁଷ୍ଠାନ ମାନଙ୍କରେ ଆଜି ୭୫ ତମ ସ୍ଵାଧୀନତା ଦିବସ ନିରାଡମ୍ବର ଭାବେ କରୋନା କଟକଣା ଅନୁଯାୟୀ ପାଳନ କରାଯାଇଛି। ଏହି ପରିପ୍ରେକ୍ଷୀରେ ନାଉଗାଁ ବ୍ଲକ କାର୍ଯ୍ୟାଳୟରେ ପଞ୍ଚାୟତ ସମିତି ଅଧ୍ୟକ୍ଷ ଜଗନ୍ନାଥ ଦାସ, ନାଉଗାଁ ତହସିଲ କାର୍ଯ୍ୟାଳୟରେ ତହସିଲଦାର ଜେ. କଲ୍ପନା, ନାଉଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀ ଡକ୍ଟର ସୁନନ୍ଦନ ମହାନ୍ତି, ନାଉଗାଁ ପଶୁ ଚିକିତ୍ସା କେନ୍ଦ୍ରରେ ପଶୁ ଚିକିତ୍ସା ଅଧିକାରୀ ଡକ୍ଟର ରାଜା ଉଦୟ ଭାନୁ ରାଉତ ଓ ନାଉଗାଁ ଥାନାରେ ଥାନା ଅଧିକାରୀ ଅଭୟ ବେହେରା ପତାକା ଉତ୍ତୋଳନ କରିଥିଲେ। ପରେ ପରେ ନାଉଗାଁ ଥାନା ପକ୍ଷରୁ ଥାନା ଅଧିକାରୀ ଓ କର୍ମଚାରୀମାନେ ନାଉଗାଁ ବ୍ଲକ ଛକରେ ଥିବା ଆଶ୍ରା ଜରାନିବାସ କେନ୍ଦ୍ରକୁ ଯାଇ ସେଠାରେ ଥାନା ଅଧିକାରୀ ପତାକା ଉତ୍ତୋଳନ କରିବା ସହିତ ଜରାନିବାସର ଅନ୍ତେବାସୀଙ୍କୁ ଫଳ ଓ ବିସ୍କୁଟ୍ ବଣ୍ଟନ କରିଥିଲେ। ଅପରପକ୍ଷେ ନାଉଗାଁ ସବୁଜ ସେନା ପକ୍ଷରୁ ନାଉଗାଁ ପଶୁ ଚିକିତ୍ସାଳୟ ପରିସରରେ ଆଜିର ଶୁଭ ଦିନରେ ବୃକ୍ଷ ରୋପଣ କରାଯାଇଥିଲା। ନାଉଗାଁ ରୁ ତାପସ କୁମାର ଦାସ ଙ୍କ ରିପୋର୍ଟ ସଂଘର୍ଷ ନ୍ୟୁଜ୍ ।।
