Get real time updates directly on you device, subscribe now.
କଟକ(ସଂଘର୍ଷ ମିଡିଆ) : ଆଜି ଚୌଦ୍ୱାର ପୌରପରିଷଦ ତରଫରୁ ପବିତ୍ର ସର୍ବଭାରତୀୟ ସ୍ଵାୟତ୍ତ ଶାସନ ଦିବସ ମହାସମାରୋହରେ ପାଳନ କରାଯାଇଛି। ଚୌଦ୍ୱାର ପୌରପରିଷଦ ଅଧ୍ୟକ୍ଷା ଶ୍ରୀମତୀ ମାନସୀ ସ୍ୱର୍ଣ୍ଣ ପ୍ରଭା ସାମଲ ସକାଳ ଆଠଟା ସମୟ ରେ ଜାତୀୟ ନେତାଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରିଥିଲେ ଓ ସକାଳ ନଅଟା ସମୟରେ ପୌର କାର୍ଯ୍ୟାଳୟ ପରିସର ରେ ଜାତୀୟ ପତାକା ଉତ୍ତୋଳନ କରିଥିଲେ ଏବଂ ଦିନ ୧୧.୩୦ ମିନିଟ୍ ସମୟରେ ତ୍ରିନାଥ ପଲ୍ଲୀରେ ଫଳ ବଣ୍ଟନ କରିଥିଲେ । ସଂଧ୍ୟା ୫ଟା ସମୟରେ ଗାନ୍ଧି ଛକ ସ୍ଥିତ ଟାଉନ୍ ହଲ୍ ଠାରେ ଏକ ସଭା ଆୟୋଜନ କରାଯାଇଥିଲା। ଏହି ଉତ୍ସବରେ ଚୌଦ୍ୱାର – କଟକ ମାନ୍ୟବର ବିଧାୟକ ଶ୍ରୀଯୁକ୍ତ ସୌଭିକ୍ ବିଶ୍ଵାଳ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଉକ୍ତ ସଭାରେ ଚୌଦ୍ୱାର ପୌର ଅଞ୍ଚଳର ବିଭିନ୍ନ ସ୍କୁଲ ମାନଙ୍କୁ ନେଇ ହୋଇଥିବା ପ୍ରତିଯୋଗିତାରେ କୃତକାର୍ଯ୍ୟ ହୋଇଥିବା ପ୍ରତିଯୋଗୀମାନଙ୍କ ସହିତ ସମାଜର ବିଭିଧ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ବ୍ୟକ୍ତିବିଶେଷଙ୍କୁ ପୁରସ୍କାର ଓ ସମ୍ବର୍ଦ୍ଧନା ଅର୍ପଣ କରାଯାଇଥିଲା।ଏହି ସ୍ଵାୟତ୍ତ ଶାସନ ଦିବସ ପାଳନ ଉତ୍ସବରେ ଚୌଦ୍ୱାର ପୌରପରିଷର ଉପାଧ୍ୟକ୍ଷ ଶ୍ରୀଯୁକ୍ତ ଶୁଭେନ୍ଦୁ ସାମଲ , ଚୌଦ୍ୱାର ପୌରପାଳିକା ନିର୍ବାହୀ ଅଧିକାରୀ ଶ୍ରୀଯୁକ୍ତ ପବିତ୍ର କୁମାର ବେହେରା, ପୂର୍ବତନ ନଗରପାଳ ଶ୍ରୀଯୁକ୍ତ ପ୍ରେମ୍ ଚାନ୍ଦ ନାୟକ, ବିଜେଡି ନଗର ସଭାପତି ଶ୍ରୀଯୁକ୍ତ ବିଷ୍ଣୁ ଚରଣ ପରିଡା, ବିଜେଡି ଯୁବ ନେତା ବିମଳ କୁମାର ବେହେରା ଓ ସମସ୍ତ ପାରିଷଦ ଙ୍କ ସହ ପୌରପାଳିକାର ସମସ୍ତ କର୍ମଚାରୀମାନେ ଉପସ୍ଥିତ ଥିଲେ ।
