Get real time updates directly on you device, subscribe now.
ନୂଆପଡା(ସଂଘର୍ଷ ମିଡିଆ ) : : ଚାଷ ଜମିରୁ ଫେରିବା ବେଳେ ଅଘଟଣ, ବଜ୍ରାଘାତରେ ସ୍ୱାମୀ ମୃତ, ସ୍ତ୍ରୀ ଗୁରୁତର। ନୂଆପଡା ଜିଲ୍ଲା ବେଲଟୁକୁରି ଥାନା ବୋଥା ଗାଁରେ ଚାଷ ଜମିରୁ ଫେରୁଥିବା ବେଳେ ଅଘଟଣ ଘଟିଛି। ଗାଁ ମୁଣ୍ଡରେ ବଜ୍ରାଘାତରେ 35 ବର୍ଷୀୟ ସ୍ୱାମୀ ରଜଉ ବରିହା ପ୍ରାଣ ହରାଇଥିବା ବେଳେ 30 ବର୍ଷୀୟା ସ୍ତ୍ରୀ ଚଇତି ବରିହା ଗୁରୁତର ଆହତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ସୂଚନା ମତେ ଆଜି ସକାଳେ ବେଲଟୁକୁରି ଥାନା ବୋଥା ଗାଁର ସ୍ୱାମୀ ସ୍ତ୍ରୀ ରଜଉ ଓ ଚଇତି ନିଜ ଚାଷ ଜମିକୁ ଚାଷ କାର୍ଯ୍ୟ କରିବା ପାଇଁ ଯାଇଥିଲେ। ସନ୍ଧ୍ୟା 4ଟାରେ ଚାଷ କାମ ସାରି ଝିପି ଝିପି ବର୍ଷାରେ ସ୍ୱାମୀ ଓ ସ୍ତ୍ରୀ ଘରକୁ ଫେରୁଥିଲେ। ଏହି ସମୟରେ ଗାଁ ମୁଣ୍ଡରେ ବଜ୍ରାଘାତ ହେବାରୁ ସ୍ୱାମୀ ଓ ସ୍ତ୍ରୀ ତଳେ ପଡି ଯାଇଥିଲେ। ସନ୍ଧ୍ୟାରେ ଗାଁ ଲୋକେ ଉଭୟ ସ୍ୱାମୀ ଓ ସ୍ତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ରଜଉଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏବେ ସ୍ତ୍ରୀ ଚଇତି ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି।
