Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ) : – ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ଚଚରାଗୁଡା ପଞ୍ଚାୟତ ଅଧୀନ ଗିର୍ଲିଗୁଡା ଗ୍ରାମର ପ୍ରହଲ୍ଲାଦ ଭତ୍ରା (୩୫) ଙ୍କ ବୁଧବାର ଅପରାହ୍ନରେ ଅକାଳ ବିୟୋଗ ଘଟିଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଚଚରାଗୁଡା ପଞ୍ଚାୟତ ଅଧୀନ ଗିର୍ଲିଗୁଡା ଗ୍ରାମର ପ୍ରହଲ୍ଲାଦ ଭତ୍ରା ଙ୍କୁ ସୋମବାର ଜ୍ଵର ହୋଇଥିଲା | ମଙ୍ଗଳବାର ଅଧିକ ଜ୍ଵର ହେବାରୁ ତାଙ୍କୁ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନିଆଯାଇଥିଲା | ସେଠାରେ ଡାକ୍ତର ତାଙ୍କୁ ଚିକିତ୍ସା କରିଥିଲେ | ବୁଧବାର ସକାଳୁ ରକ୍ତ ବାନ୍ତି କରିବା ସହ ଅଧିକ ରୁ ଅଧିକ ଗୁରୁତ୍ତର ହୋଇପଡିଥିଲେ | ଚିକିତ୍ସାଧୀନ ଅବସ୍ଥାରେ ଅପରାହ୍ନ ରେ ତାଙ୍କର ମୃତ୍ୟୁ ଘଟିଥିଲା | ଡେଙ୍ଗୁରେ ମୃତ୍ୟୁ ଘଟିଥିବା ନେଇ ସନ୍ଦେହ କରାଯାଉଛି | ପ୍ରହଲ୍ଲାଦ ଚଚରାଗୁଡା ପଞ୍ଚାୟତର ଯୁବ ବିଜେଡି ସଭାପତି ଥିଲେ | ସେ ଜଣେ ଭଲ ସଂଗଠକ ଭାବେ ପଞ୍ଚାୟତରେ ଯୁବକ ମାନଙ୍କୁ ନେଇ ବିଜେଡି ଦଳ ପାଇଁ କାର୍ଯ୍ୟ କରିଥିଲେ | ପ୍ରହଲ୍ଲାଦଙ୍କ ଅକାଳ ବିୟୋଗ ନେଇ ଡାବୁଗାଁ ବିଧାୟକ ମନୋହର ରନ୍ଧାରୀ, ଡାବୁଗାଁ ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର ପ୍ରମୁଖ ଶୋକ ପ୍ରକାଶ କରିଛନ୍ତି |
