Get real time updates directly on you device, subscribe now.
ଭଦ୍ରକ ( ସଂଘର୍ଷ ମିଡିଆ ) : ଘର ଭିତରୁ ଉଦ୍ଧାର ହେଲା ବିରାଟ ବଡ଼ କଇଁଚ । ଉଦ୍ଧାର ହୋଇଥିବା କଇଁଛ ଟି ୨ ଫୁଟ ଲମ୍ବ ହେବା ସହ ଏହାର ଓଜନ ୨୫-୩୦ କିଲୋଗ୍ରାମ ହେବ ଓ ଏହା ସାମୁଦ୍ରିକ କଇଁଛ ହୋଇଥିବା ବନ ବିଭାଗ ସୂଚନା ଦେଇଛି । ଧାମନଗର ବ୍ଲକ ଦଳାଙ୍ଗ ପଞ୍ଚାୟତ ଜାହାଙ୍ଗିର ଗ୍ରାମର ହରି ଚରଣ ବାରିକ ଙ୍କ ଘର ଭିତରୁ ଏହି କଇଁଛଟି ଉଦ୍ଧାର ହୋଇଛି । ଘର ଭିତରେ କଇଁଛଟି ଥିବା ବେଳେ, ଆଜି ଏତେ ବଡ଼ କଇଁଛ ଟିକୁ ଘର ଲୋକ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ. ପରେ ଏହି ବିରଳ କଇଁଛ ଟିକୁ ଦେଖିବା ପାଇଁ ଗ୍ରାମରେ ଲୋକ ମାନଙ୍କର ଭିଡ଼ ଜମିଥିଲା । ଏତେ ବଡ଼ କଇଁଛ ଲୋକମାନେ ଆଗରୁ କେବେ ଦେଖି ନଥିଲେ। ଏହାକୁ ଦେଖିବା ପାଇଁ ଲୋକମାନଙ୍କ ମଧ୍ୟରେ ଏକ ପ୍ରକାର କୌତୁହଳ ଦେଖିବାକୁ ମିଳିଥିଲା. ଏହି ବିରଳ କଇଁଛ ଟି ନଦୀର ବନ୍ୟା ଜଳ ରେ ଭାସି ଆସିଥିବା ଅନୁମାନ କରାଯାଉଛି ।
