Get real time updates directly on you device, subscribe now.
ପାରଳାଖେମୁଣ୍ଡି(ସଂଘର୍ଷ ମିଡିଆ) :- ଘର ବାରିକୁ ଫୁଲ ତୋଳିବା ବାହାନାରେ ଆସି ସୁନା ଚେନ ଝାମ୍ପି ନେଲା ଦୁର୍ବୃତ୍ତ। ଘଟଣା ଘଟିଛି ପାରଳାଖେମୁଣ୍ଡି ଚିତ୍ରକର ସାହିରେ। ଆଜି ଭୋର ପାଞ୍ଚଟା ସମୟରେ ଉକ୍ତ ସାହିର ଯୁବତୀ ସୁଜାତା ପାଣିଗ୍ରାହୀ ଘର ବାରିର ବାଥରୁମକୁ ଯାଇଥିଲେ। ସେହି ସମୟରେ ଜଣେ ଅଜଣା ଯୁବକ ବାରିରେ ପଶି ବାଥରୁମରେ ଥିବା ଯୁବତୀଙ୍କ ବେକରୁ ସୁନା ଚେନ ଛିଣ୍ଡାଇ ନେଇଥିବା ଜଣାପଡିଛି। ଯୁବତୀ ଜଣକ ଉକ୍ତ ଦୁର୍ବୃତ୍ତକୁ କାବୁ କରିବାକୁ ଚେଷ୍ଟା କରିଥିବା ବେଳେ ଦୁର୍ବୃତ୍ତ ପିନ୍ଧିଥିବା ପ୍ୟାଣ୍ଟ ଓ ଗାମୁଛା ଖସି ଯୁବତୀଙ୍କ ହାତରେ ଲାଗିଥିଲା। ଦୈାଡି ପଳାଇଥିଲା ଦୁର୍ବୃତ୍ତ। ଯୁବତୀଙ୍କ ପାଟି ଶୁଣି ସାହି ପଡୋଶୀ ଆସି ଖୋଜାଖୋଜି କରିବା ବେଳକୁ ଆଉ ଦେଖାଯାଇ ନଥିଲା ଦୁର୍ବୃତ୍ତ। ଅଭିଯୋଗ ପାଇ ପାରଳାଖେମୁଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ ଚଳାଇଛି ।
